Фокусот на неодамнешните истражувања е протеинот што го носи името „MlaA“, компонента на „Mla“ системот.
Во тековната борба да се победи резистенцијата на антибиотици, една нова студија откри протеин кој делува како „мембранска правосмукалка“, што значи дека може да послужи како нов таргет за антибиотиците. Истражувањето покажува дека процесот на прочистување на надворешната мембрана на грам-негативни бактерии од специфични липиди може да биде ранливата точка која лековите може да ја таргетираат. Поконкретно, антибиотиците би можеле да ја подобрат нивната постоечка ефективност со користење на протеинот којшто истражувачите го пронајдоа или дури и да ја намалат вирулентноста на многу честите бактерии како што е Ешерихија коли.
Грам-негативните бактерии имаат две мембрани – една внатрешна и една надворешна. Ова ново истражување ја имплицира надворешната, наместо внатрешната мембрана. Надворешната мембрана е асиметричен двослој составен од внатрешни и надворешни „листови“. Внатрешните листови се составени од фосфолипиди, а надворешните листови се состојат од липополисахариди, кои создаваат шеќерна површина која ефикасно ги исфрла хидрофобните молекули и се спротивставува на антибиотиците и на други соединенија кои би можеле да ги загрозат бактериите.
Сепак, надворешните листови бараат систем за чистење, бидејќи фосфолипидите од внатрешните листови се акумулираат во нив создавајќи простори кои ја прават надворешната мембрана попропустлива за токсични соединенија.
Асиметријата и пропустливоста на бариерата на надворешната мембрана мора да се обноват со цел бактеријата да остане здрава, што значи дека фосфолипидните молекули мора да се отстранат. Ова е задачата за одржување на системот за липидна асиметрија (Mla) што го имаат повеќето грам-негативни бактерии. Фокусот на неодамнешните истражувања е протеинот што го носи името „MlaA“, компонента на „Mla“ системот.
Истражувачите планираат да продолжат да го проучуваат „MlaA“ протеинот како таргет за антибиотици. Ова истражување е од суштинско значење, бидејќи развојот на нови лекови е надминат со отпорноста на антибиотиците. Оттука, многу истражувачи се насочени кон фокусирање на самите бактериите во просторот и во природата. Тие, исто така, работат и на напаѓање на отпорноста на антибиотици на хемиско и молекуларно ниво, барајќи ги генетските корени на отпорноста и користејќи ја техниката „CRISPR“.
Истражувачите велат дека оваа студија отвора нов пат до фундаменталниот процес кај грам-негативните бактерии и е почетна точка за да се утврди дали „Mla“ системот на грам-негативните бактерии би можел да биде таргетиран за да се намали бактериската вирулентност и да се зголеми ефективноста на антибиотиците.
