kolku-sme-blisku-do-celosno-sinteticki-covek_image
Споделете со пријателите!

Генетската технологија го прави секвенционирањето и развојот на ДНК поевтино, побрзо и полесно
Експертите од „Харвард“ одржаа средба зад затворени врати на оваа тема на 10-ти мај. Присутните, меѓу кои биле научници, истражувачи, доктори, бизнис лидери и други влијателни личности, дебатираа за идеите за развој на човечки синтетички ДНК секвенци. Претставниците на медиумите не беа повикани на оваа средба, што во јавноста влеа доза на сомнежи за тоа што би можело да биде дискутирано во тајност.

Човечките гени нормално се пренесувани од родителите на децата, трансферирајќи наследни особини. Како што велат организаторите на затворената средба, создавањето на ваков геном без биолошки родители во лабораторија може да биде возможно за помалку од една деценија. Сепак, дури и создавањето на таков генетски код најавен за наредните години, ова ќе биде далеку од создавање на целосно синтетички формирано човечко суштество.

Овие секвенци можат само да бидат вметнати во клетка за да се тестира геномот.

Како што генетските техники за секвенционирање започнуваат да стануваат понапредни, можноста за креирање на геноми станува полесна и поевтина. Во 2003 година изградбата на секој блок од генетскиот код чинеше приближно околу 4 американски долари. Само 13 години подоцна оваа сума се намали на само 3 центи. Со 3 милијарди базни парови, изградбата на човечки геном денес може да кошта само 90 милиони долари во споредба со 12 милијарди долари во 2003 година. Во тој случај во рок од 20 години, трошоците за изградба на синтетички човечки геном се очекува да опаднат на само 100 илјади американски долари.

Меѓутоа, некои истражувачи сметаат дека овие заштеди на трошоците ќе бидат возможни само ако дојде до голем пресврт во напредокот на медицинските иновации.

kolku-sme-blisku-do-celosno-sinteticki-covek_image1„Додека ние сме согласни дека одржливото подобрување во алатките за конструирање на ДНК се есенцијални за унапредување на основните биолошки науки и подобрување на јавното здравје, скептични сме дека синтезата на човечкиот геном е соодветен погон на побарувачката“ – истакнуваат професорот по религиозни науки, биоетика и медицински науки Лори Золот – Laurie Zoloth и вонредниот професор по биоинженеринг Дру Енди – Drew Endy од Универзитетот „Стенфорд“.

Прочитајте:  Капки за очи кои ја топат катарактата

Научниците сè уште се многу далеку од развојот на целосно синтетички човечки геном, иако првите досега синтетички бактериски клетки ја напреднаа потрагата по вештачки живот на земјата, беа создадени во 2010 година. Треба да се има во знаење дека ваквите иновации понекогаш можат да им наштетат на истражувањата, наместо да ги придвижуваат. Откако технологијата ќе биде лесно достапна и евтино ќе може да се синтетизира човечки геном, заедно со тоа ќе се претстават и серија од етички дилеми. Ако е навистина возможно да се секвенционираат и произведат геномите на најдобрите и најпаметните луѓе во светот, колку копии од истата секвенца треба да бидат произведени и кој ќе биде во можност да ги собере?


Споделете со пријателите!