potencijalen-nacin-za-pobeda-na-antibiotska-otpornost_image
Споделете со пријателите!

Додека некои научници се фокусираат на нови антибиотици, дваесет и пет годишна студентка можеби пронајде начин како да се победи антибиотската резистенцијасо полимери
Бактериите коишто со текот на времето развиваат отпорност на антибиотици досега беа смртоносни за околу 700,000 луѓе на годишно ниво, а едно ново истражување докажува дека бројот на смртни случаи до 2050 година може да достигне до 10 милиони. Научниците стравуваат дека кон листата на овие бактерии коишто стекнуваат антибиотска резистентност, помеѓу кои е бактеријата Метицилин резистентен стафилокок или MRSA, отпорна на метицилин, ќе се најде и бактеријата Neisseria gonorrhea, којашто го предизвикува сексуално преносливото заболување гонореја

Додека многу научници бараат решение и начин за уништување на бактериите преку креирање нови антибиотици, младата Shu Lam, дваесет и пет годишна студентка на Универзитетот во Мелбурн, Австралија, понуди нов, поинаков пристап кон проблемот со антибиотската отпорност кај одредени бактерии.

Станува збор за полимер со ѕвездена форма којшто може да уништи шест различни бактерии без помош на антибиотици и тоа едноставно преку кинење на нивните клеточни ѕидови.

Иновативниот пристап на студентката досега беше предмет на лабораториско тестирање само кај глувци, но се верува дека може да понуди потенцијално решение за антибиотската отпорност, којашто зема сè поголем негативен замав во здравјето на човекот, поради што Обединетите Нации неодамна ја прогласија за закана на глобално ниво.

„Ова истражување, доколку успее, би можело да го промени ликот на современата медицина во светот“

Иако досегашните резултати од истражувањето се позитивни, сè уште е многу рано да се донесуваат заклучоци бидејќи не се знае како истото би влијаело на човековиот организам. Но, сепак, многу научници се оптимисти и сметаат дека ова истражување, доколку успее, би можело да го промени ликот на современата медицина во светот.

Прочитајте:  Вакцината против грип е најдобриот начин да се заштитите од вирусот!

„Откривме дека, всушност, полимерите ги таргетираат бактериите и ги убиваат на повеќе начини. Едниот начин е преку физичко уништување на нивните клеточни ѕидови коешто создава стрес кај самата бактерија и причинува да започне да се самоуништува“, изјави младата студентка за „Телеграф“.
potencijalen-nacin-za-pobeda-na-antibiotska-otpornost_image1

Досегашните резултати од истражувањето спроведено на глувци се објавени во медицинскиот дневник Nature Microbiology и сведочат за успехот од тестирањата и експериментитена Shu Lam. Секој експеримент докажува дека полимерите успеваат да ги уништат таргетираните бактерии без притоа тие да создадат резистентност кон нив. За разлика од антибиотиците, коишто ги трујат бактериите и притоа негативно влијаат на здравите соседни клетки, полимерите наречени SNAPP директно навлегуваат, ги напаѓаат и ги уништуваат само клеточни мембрани без да влијаат на соседните клетки.


Споделете со пријателите!