Дебелината не е секогаш последица на мрзливоста и може да претставува хронична болест за која не постои лек како кај артритисот, дијабетесот или Кроновата болест. Операцијата секогаш треба да биде поддржана со здрави промени во начинот на живеење.
Како за многу други хронични болести за кои не постои лек, возможно е истите да се контролираат, така што пациентите можат да живеат релативно нормален живот и покрај болеста, слично е и со дебелината. Како и кај другите хронични болести, постојат повеќе медицински пристапи и промени на животниот стил, за да се овозможи најефикасниот начин на справување со болеста.
За многумина, промената на некои животни навики е сè што им е потребно.
Сепак, некој кој има потреба од медицинска помош, никогаш не треба да се обесхрабри да ја побара. Всушност лицата кои имаат проблеми со прекумерна телесна тежина, најпрво треба да побараат медицинска помош. На тој начин ќе добијат стручно мислење од страна на квалификуван професионалец за тоа кој пристап е потребен – медицинска интервенција или промена на животниот стил.
Стручните лица тврдат дека и кај случаите каде што е неопходна хируршка интервенција, таа нема да ја излечи дебелината, ниту да ја стави под контрола. Медицинските интервенции за намалување на желудникот немаат магичен ефект. Промените на животните навики се неопходни за да можат да дојдат до израз придобивките од оперативниот зафат и од лековите за намалување на тежината.
Самата помисла дека промените во животниот стил – промена на квалитетот и квантитетот на храната, физичка активност, помалку стрес, повеќе сон итн. – за многу лица што се мачат со оваа болест се застрашувачки. Многумина не сакаат да излезат од зоната на комфорот, свесни за последиците по здравјето и животот. Многумина исто така сметаат дека одењето под нож е единственото решение и дека тие воопшто не се одговорни за здравствената состојба што ги мачи.
[interaction id=”56e9462e51c54f4063c6135d”]Лицата со прекумерна телесна тежина треба да разберат, дека промените кои мораат да ги внесат во својот живот – да се одвикнат од лошите навики кои се причина за дебелината, а да се стекнат со нови здрави навики од кои ќе слабеат – не е толку страшно колку што им звучи. Промените кои мораат да ги внесат немаат цел да им ги скратат задоволствата на овој свет, туку имаат цел да им го подобрат и продолжат квалитетот на животот.
