Дознајте зошто за отстранување на болка некогаш се користат ладни а некогаш топли облоги
Болката знае да биде дел од нашето секојдневие. Главоболката на пример, може лесно да помине само со помош на ладни облоги. Од друга страна пак, топлината е единственото решение за хроничните болки во грбот или зглобовите. Тогаш, кое е решението, топло или ладно? Одговорот е дека и двата начини се одлични за лекување на болката. Вистинското прашање би било кој начин е посоодветен за третирање на различни видови на болка.
Кога станува збор за мразот и ладните облоги, може да се каже дека помага во надминувањето на болката предизвикана од воспаленија и отоци (на пример, повреда која е резултат на некаков спорт) или пак главоболки. Топлината пак, е одлична за болката во зглобовите која може да стане неподнослива и да го отежни секојдневното движење.
И мразот и топлината можат да бидат решение за надминување на болката. Но, тие делуваат врз сосема различни видови на болка. Ладните облоги се најдобри за третирање на воспаленија или акутни повреди како резултат на кои се појавува оток. Мразот е ладен и може да предизвика да се чувствувате неудобно, но ќе си ја заврши работата и болката ќе исчезне.
Топлината не е соодветна за акутни повреди и воспаленија, затоа што може да го засили воспалението.
Топлината делува врз друг вид на болка. Хроничните болки во зглобовите може да се надминат со топли облоги. Топлината е одлична доколку артритисот ви предизвикува проблеми. Таа ќе ве релаксира и ќе ја намали затегнатоста или вкочанетоста во зглобовите или мускулите. Долгото туширање со топла вода после напорен ден е одличен доказ за дејството на топлината.
Па така, доколку се соочувате со некаков вид на болка, знајте дека може да се потпрете на ладното или топлото решение.
| ПРОБЛЕМ | РЕШЕНИЕ | |
| Проблем со ‘рскавицата во зглобовите (колено, рамо, лакто, прсти, итн.) | АРТРИТИС | Влажна топлина за олеснување на состојбата со хронично вкочанети зглобови и релаксација на затегнати мускули |
| Хроничен, инфламаторен артритис (палецот на ногата, глуждот, петата, коленото, зглобот на раката, лактото, итн.) | ГИХТ | Мразот ја смирува болката |
| Болка во главата или болка во вратот | ГЛАВОБОЛКА | Мразот ја смирува острата болка во главата Влажната топлина ги релаксира згрчените мускули во вратот |
| Оптегнати мускули или повредени тетиви во грбот, листот на ногата, бутините | ИСТЕГНУВАЊА | Мразот го олеснува воспалението, црвенилото, отокот, болката Топлината помага при вкочанетост откако ќе помине воспалението |
| Оптегнати или скинати лигаменти во зглобовите како коленото, глуждот, стапалото, лактото, итн. | ИЗМЕСТУВАЊА | Мразот го олеснува воспалението и болката Топлината помага при вкочанетост откако ќе помине воспалението |
| Акутна иритација на тетивите прицврстени за зглобовите како рамото, лактото, коленото, зглобот на раката, петата, итн. после одредена активност | ВОСПАЛЕНИЕ НА ТЕТИВАТА ТЕНДИНИТИС | Мразот го олеснува воспалението и болката |
| Хронична иритација и вкочанетост на тетивите прицврстени за зглобовите | ХРОНИЧЕН ТЕНДИНИТИС | Топлината ја олеснува вкочанетоста откако воспалението ќе спадне |
| ЗОШТО ДА СЕ КОРИСТИ МРАЗ ЗА ПОВРЕДИ КОИ НЕ ТРААТ ПОВЕЌЕ ОД 6 НЕДЕЛИ? | ЗОШТО ДА СЕ КОРИСТИ ТОПЛИНА ЗА АРТРИТИС И ПОВРЕДИ КОИ ТРААТ ПОДОЛГО ОД 6 НЕДЕЛИ? |
| Мразот ги стеснува крвните садови, а со тоа се надминува болката, се олеснува воспалението и се ограничува појавата на модринки. | Топлината го зголемува протокот на крв, а со тоа се релаксираат затегнатите мускули и се надминува болката во зглобовите. |
