Новиот тест на крвта кој ги идентификува генетските информации во примероците крв, значително може да влијае врз одлуките за лекувањето рак, особено кај пациентите кои веќе еднаш се соочиле со ова заболување
Еден од предизвиците на модерната медицина е да знае дали и кога пациентот ќе има ремисија на канцерот. Научниците настојуваат да создаваат нови методи на лекување и рано откривање на болестите, кои би биле помалку штетни за пациентите во секој поглед. До сега познато е дека за да се испита ракот или за да се испита потенцијалното постоење на рак во телото, пациентите треба да прават биопсија или да бидат зрачени (мамографија и сл.).
Една нова студија покажува дека месеци пред туморот да е видлив на болничките скенови, тест за крвта кој ја открива мутацијата на клетките, може да ги забележи видливите знаци од враќањето на ракот.
Ова е одлично решение за сите кои не сакаат да се зрачат, да се испитаат дали имаат рак или ремисија.
Студијата предводена од страна на истражувачите од Институтот за истражување на ракот – The Institute of Cancer Research – ICR, заедно со Кралската Фондација – The Royal Marsden NHS Foundation Trust, двете лоцирани во Велика Британија, е клучен чекор кон менувањето на начинот на кој ракот до сега беше следен и третиран.
Клучот за раното откривање на ремисијата на канцерогените клетки е да се побара ДНК на туморот која потенцијално може да циркулира во крвотокот. Ова се канцерогени клетки кои се оставени и кои може да започнат нов тумор, дури и по „успешното“ лекување. Со следењето на пациентите со тестови врз примероци крв земени непосредно по операцијата, студијата вели дека истото треба да се врши на секои шест месеци, научниците биле во можност со многу голема точност да предвидат кој од пациентите може да искуси ремисија.
Студијата вклучувала 55 жени, кои успешно биле третирани во раните фази на рак на дојка. Било откриено дека оние кои имале позитивни резултати за ДНК на тумор во нивната крв, биле изложени на 12 пати поголем ризик од ремисија, во споредба со оние кои имале негативен резултат. Овој вид на тестирање може да го открие враќањето на ракот со просек од 7,9 месеци пред појавата на било какви видливи знаци.
За да објасни што всушност истражувачите се обидуваат да постигнат со овој нов тест за крв, Кет Арни – Kat Arney, научниот информативен менаџер при „Cancer Research UK“, изјави за BBC Radio: „Тие бараат начини за да ја откријат ДНК-та која е оштетена од страна на канцерогените клетки во крвотокот и да ја искористат токму истата ДНК како начин за следење на повторувањето на ракот – како тој се менува, како тој се развива во телото – и потоа дали може да го користиме ваквото следење на рак и да насетиме кога тој потенцијално се враќа без да мора да се прават скенови или биопсии“.
[interaction id=”560e4dcdf7217adc4bc5bfd0″]„Сè уште постојат предизвици во имплементирањето на оваа технологија… но, информациите кои ги обезбедува може да направат вистинска разлика кај пациентите со канцер“ – додаде Д-р Николас Тарнер – Nicholas Turner, лидерот на тимот при молекуларната онкологија од ICR и консултант онколог при The Royal Marsden.
