Трчањето е добар начин за тренинг и рекреација, но е и ризик за повреди
Иако одлична спортска активност, при трчањето поради преголемото и континуирано оптоварување, а ретко и при физичка траума, мускулите, зглобовите, лигаментите и коските на нозете најчесто се изложени на повреди.
Најчест симптом на повреда кај тркачите е болка во коленото. Има повеќе различни причини за болки во коленото, а најтипична е пателофеморалниот синдром и се јавува како тапа болка на предниот дел на коленото нешто под чашката обично при спуштање, некогаш и при искачување на брда или скали, а може да се појави болка и при подолго седење. При игнорирање и секојдневно изложување на напор на коленото болката би била појака и може да доведе до артритис.
Друга причина за болка во коленото е илиотибиален синдром, болка која го опфаќа надворешниот дел на коленото и може болката да го зафати преку бутниот мускул до колкот. Болки во потколеницата е исто така честа појава поготово кај почетниците, додека кај поискиуните тркачи поготово оние што трчаат подолги дистанци (маратони) доаѓа и до мали скршеници како резултат од изложеност на пролонгиран напор на коските најчесто на долниот дел на ногата, стапалата и колкот. Исто страда и ахиловата тетива која се воспалува при пролонгирано оптеретување и предизвикува болки во пределот на тетивата кои се најинтензивни наутро или по подолг одмор.
Некои тркачи се изложени на поголем ризик од повреди од другите. Најчесто тоа се тркачите почетници, оние кои веќе биле повредени, оние кои трчаат повеќе од 70 км неделно, оние кои нагло го менуваат интензитетот или дистанцаат на трчање.
Иако ризикот од повреди е индивидуален сепак препорачливо е ако сте почетник постепено да ја зголемувате дистанцата и темпото, ден или два одмор (искористете ги за теретана), удобни и пригодни патики, избегнувајте тврди подлоги како асфалт или бетон, а истегнувањето пред трчање може да помогне за воспаление, но не и да спречи повреда.
Најдобар и најважен третман за ваков вид на повреди и заздравување е одморот. Други третмани кои најчесто се применуваат е облоги од мраз и бандажирање, лекови против воспаление (гелови, масти и сл.) и физикална терапија во поекстремни случаеви.
