Светската здравствена организација предупредува: прегласните аудио плеери и бучните локали, изложуваат на ризик милиони млади уши
Слушањето на гласна музика денес, може да доведе до неможноста на слушање музика во иднина. Младите луѓе имаат тенденција да слушаат гласна музика на своите мобилни уреди, како и на честите бучни концерти и во клубовите. Како резултат на тоа, повеќе од 1,1 милијарди луѓе на возраст од 12-35 се изложени на ризик од губење на слухот, изјави Светската здравствена организација во неодамнешната изјава.
Некои студии покажале дека бројот на млади луѓе со оштетен слух се зголемил за неколку проценти во текот на изминатата деценија, најверојатно поради зголемената употреба на преносни музички плеери и паметни телефони за случање на гласна музика. Поради ваквиот тренд, СЗО препорачува слушање на музика на мобилни уреди максимум еден час дневно.
Идејата е да се минимизира ваквото небезбедно слушање на музика кое што зависи од два фактори: колку долго се слуша и колку е гласен звукот. Звукот на еден нормален разговор е 60 децибели, што нема да предизвика проблеми со слухот. Но, звукот што го произведува еден булдожер при работа во место е околу 85 децибели, што може да предизвика трајно оштетување по осум часа.
Звукот на грмотевица или на вувузела е приближно 120 децибели и го оштетува слухот по само девет секунди. Губење на слухот, од овие гласни извуци може да биде моментален, но постојаната изложеност на гласни звуци пак, со текот на времето ги оштетува деликатните структури во внатрешното уво.
Сепак, слушалки можеат да биде и добри и лоши за нашиот слух, според истражувањето спроведено на Факултетот за медицина при Универзитетот во Јужен Илиноис. Слушалките кои го покриваат увото или слушалките со можност за поништување на околниот шум се идеални, бидејќи тие ги охрабрува луѓето да ја намалат јачината на звукот на музиката која ја слушаат. Луѓето сакаат нивната музика да биде погласна од бучавата во позадината, но ако тие не може да се слушаа омилената музика заради таа бучава, тие несвесно го појачуваат јачината на музиката. Слушалките пак, кои го пропуштаат околниот шум, предизвикуваат поголема веројатност да се зголеми јачината на звукот, што предизвикува сериозни проблеми. Слушањето музика на слушалки при максимална јачина на звукот може да го оштетат слухот во само четири минути, а многу млади луѓе дури и не сфаќаат дека тие „моментални“ ефекти на глувост можат да бидат и трајни.
За да се спречи губењето на слух, потребно е производителите на слушалки да работат на развивање на уреди кои не влијаат на оштетувањето на слухот. Но, во меѓувреме, СЗО наведува дека тоа е до слушателите треба да се грижат за нивниот слух. Типот на музиката што ја слушаат и не е толку важен колку и јачината на звукот или траењето на песната, но љубителите на различни видови на музика претпочитаат и различна јачина на звукот. Користењето слушалки со можност за поништување на шумот можат да им помогнат на слушателите да му одолеат на искушението да го попуштаат јачината на музиката која ја слушаат.
