aloe-vera-rastenie-na-besmrtnosta_1
Споделете со пријателите!

Алое Вера или уште го нарекуваат „чудесно растение“ е лековито растение, кое многу народи на планетава го сметале за благотворно за низа болести
Вера – vera на латински значи вистинa, а Алое – Alloeh на арапски значи “сјајна горчлива материја”. Името се однесува на Aloe barbadensis miller, кое се смета за “вистинско Алое”, помеѓу триста видови од кој само неколку се лековити. Алоето е повеќе годишно растение со кратки цилиндрични стебленца има дрвовидна форма, со висина до три метри. Листовите се крупни месести во облик на стрела, бледо зелени, рамни во горната и конвексни во долната страна, со црвеникави боцки на работ. Цветовите се жолти, групирани во гроздови. Алоето по потекло е од Барбадос, а денес плантажно се одгледува во земјите од медитеранот.

Алое е растение кое е познато од дамнина како еликсир на долговечноста. Содржи преку 240 хранливи и лековити состојки како: аминокиселини потребни за раст и развој на ткивото, ензими, минерали (калциум, железо, магнезиум, манган, натриум, бакар, цинк, калиум, алуминиум), витамини (А, Б1, Б2, Б3, Б6, Б12, Ц, Е, фолна киселина, холин, инозитол, ниацин).

Алое Вера ги има следниве лековити својства:

  • имуностимулативно – ја јакне отпорноста на организмот
  • детоксифицирачко – го чисти организмот од токсични материи и разни хемиски супстанции
  • антиоксидантно, антивирусно, антибактериско, аналгетско, антидијабетско.
  • го стимулира варењето и го неутрализира вишокот на желудочни киселини
  • ја нормализира pH вредноста на столицата, ја регулира работата на цревата
  • го поттикнува метаболизмот и функцијата на сите внатрешни органи
  • помага при многу инфективни, ревматски, белодробни, крвни, нервни, бенигни и малигни заболувања
  • помага при сите заболувања на гастроинтестиналниот тракт, цревни паразити, улцери, колит, кронова болест, хемороиди, хепатит, цироза, уринарни инфекции, астма, проблеми со простатата, општа слабост на организмот како и при одвикување од пушење и алкохол.
Прочитајте:  Несоницата - кошмар без сон

Последните неколку години производите на база на Алое станаа многу барани, но постои одредена недоумица околу називите на производите и нивните лековити својства. Од листовите на Алое се добиваат два различни производи.

Со цедењето на листовите се добива жолтеникав млечен сок кој после сушење или варење се стврднува во маса како килибар. Ваквиот производ содржи антрахинонски хетерозиди – алоин и се користи како јак лаксатив. Лекот добиен од видот А.Ferox на пазарот се продава под името капки Алое.

aloe-vera-rastenie-na-besmrtnosta_12

Друг производ е гелот од Алое. Алое Вера гел е бистра желатинозна материја која се добива од средното парехимско ткиво на листовите (различни видови од родот Алое). Гелот содржи комплекс од аминокиселени, полисахаридии, липиди и вода и дејствува поволно на сува и оштетена кожа и помага за нејзина регенерација. Постојат контроворзи околу делотворноста на Алое гелот ако се користи интерно. Збрката околу името на производот настанува затоа што гелот често се продава под погрешно име Алое Џус (сок).


Споделете со пријателите!