На што може да сугерираат безбројни дистанцирања во врската

Цикличниот модел на однесување при разделба на двајца партнери покажува колку двоумење е вклучено во раскинување на врската, што предизвикува еден или двајцата од нив да дејствуваат на начини карактеристични за прокрастинаторско однесување

Дарко е убав, смешен, топол и многу привлечен. Тој не е особено посветен или амбициозен за наоѓање работа, но има големи соништа. Овие соништа, заедно со неговото мускулесто, прекрасно градено тело, ја привлекува Даниела, медицинска сестра во нејзините 20-ти години. На почетокот, хемијата помеѓу нив е скоро очигледна; таа го апсорбира секој збор и не може да верува дека некој како него е заинтересиран за неа. Во наредните три месеци, Даниела едвај може да ја задржи возбудата што ја има околу него. Како што минуваат месеците, неговите соништа се исти, но нејзината возбуда некако се разнишува. Таа не може да најде јасна причина за своето чувство и се обидува да најде изговори – некои валидни, а други не зошто се чувствува различно. Вистината е дека нејзиниот интерес за врската исчезнала. Во текот на следните неколку недели, Даниела станува далечна и раздразлива, лесно го критикува. Почнува да флертува со други мажи. Таа понекогаш ја искажува својата фрустрација од нивната врска во разговорите со Дарко.

Друг пат тој ја изразува својата огорченост од новиот став што го добива од другата страна. Тие се обидуваат да ги поправат работите, што ги мотивира да се приближат за кратко време, но некако се дистанцираат повторно и на крајот нивните патеки се разделуваат.

Ако разделбата на Дарко и Даниела ви се чини позната, тоа е затоа што е така. Според една студија, кога станува збор за разделба – тоа е искуство со кое над 85% од возрасните лица се соочиле барем еднаш во животот и се сведува на 16 чекори:

1. Партнерот губи интерес за неговиот значајна половина ;
2. Незаинтересираниот партнер започнува да забележува привлечни алтернативни опции за иден партнер;
3. Незаинтересираниот партнер започнува да се повлекува од врската емоционално и/или физички;
4. Партнерите се обидуваат да ги средат односите;
5. Партнерите поминуваат помалку време заедно;
6. Повторно, недостига интерес;
7. Еден од партнерите (или можеби овој пат и двајцата) има намера да ја сопре врската трајно;
8. Партнерите комуницираат едни со други но фали емоцијата;
9. Партнерите се обидуваат да ги поправат работите повторно;
10. Додека сè уште се обидуваат да ги средат работите како што треба, едниот или двајцата почнуваат да ги „забележуваат“ другите луѓе околу себе;
11. Еден или обајцата партнери почнуваат да се дистанцираат;
12. Едниот или и двајцата може да започнат да се среќаваат со други луѓе додека сеуште се гледаат едни со други;
13. Циклусот се повторува се додека партнерите одлучуваат повторно да се соединат и да пробаат за последен пат;
14. Еден или обајцата партнери повторно размислуваат за раздвојување;
15. Еден или обајцата сериозно се дистанцираат и сметаат дека продолжиле со својот живот а технички се во врска;
16. Двојката е разделена.

Како што истакнале истражувачите кои ги анализирале одговорите на 1480 учесници, разделбата е циклично повторување – недостаток на интерес, забележување на други луѓе, во некои случаи безбројни дистанцирања и обиди за средување на односите – недели, месеци или дури години.

Овој цикличен модел на однесување покажува колку двоумење е вклучено во раскинување на врската, што предизвикува еден или двајцата партнери да дејствуваат на начини карактеристични за прокрастинаторско однесување – желба за зачувување на врската, проследена со оддалечување. За жал, додека многумина од нас го знаат сценариото за разделување од 16 чекори, сепак секоја разделба е болно чувство. Она што можеме да го сториме со ова знаење е да разбереме дека партнерите честопати се растргнати од флуктуациите на едниот или обајцата партнери и треба да си признаат дека тие се тешки, но природни искуства кои сепак доколку траат долг период се по штетни одколку само самиот чин на разделба.