Во текот на изминатите три децении, постојано се зголемува просечната возраст на родителите. Прогресот во науката за плодноста значи дека луѓето, всушност, ги замрзнуваа своите јајце клетки или сперматозоиди и го одложуваат почетокот на родителството.
Во текот на изминатите три децении, постојано се зголемува просечната возраст на родителите. Прогресот во науката за плодноста значи дека луѓето, всушност, ги замрзнуваа своите јајце клетки или сперматозоиди и го одложуваат почетокот на родителството.
Многу големи компании, како што се Apple, Фејсбук и Гугл, сега нудат замрзнување на јајца клетки на вработените, како дел од нивниот здравствен пакет. Но тука постојат три работи што треба да се разгледаат. Дали вашето дете ќе биде здраво? Дали ќе забремените? Колку ќе чини?
Морална обврска на родителите е да му го дадат на детето најдобриот почеток во животот.
Но, децата кои се родени од мајки на возраст од 35 години и постари од 45 години се изложени на поголем ризик да имаат генетски и невроразвојни нарушувања, како што се шизофренија и аутизам, што веројатно влијае на квалитетот на животот на детето.
Исто така, кога сакате да станете родител на постари години поголема е веројатноста да имате потреба од помош со репродукција, како што е Ин Витро Фертилизација, која е асоцирана со предвремено раѓање или раѓање на бебиња со ниска родилна тежина. Бебињата родени преку ИВФ исто така се изложени на поголем ризик од кардиоваскуларни и метаболни заболувања во подоцнежниот живот.
Ако потенцијалните родители ги замрзнаат својте јајце клетки или сперматозоиди додека се млади, тие можат да ги намалат ризиците поврзани со возраста, но не и оние што се должат на ИВФ.
Методот на кој се прави оплодувањето при ИВФ со замрзнати јајце клетки е вбризгување на сперматозоиди (интрацитоплазматска инјекција на спермата (ICSI), каде што спермататозоидите се внесуваат во јајцето. ICSI, исто така, може да го зголеми ризикот од структурни дефекти при раѓање кај децата.
Овој метод ICSI често се користи кај постарите мажи каде што мотилитетот на спермата е слаб и кога сме кај добриот старт што треба да го дадеме на нашите потомци повторно треба да нагласиме дека, тоа не е најдобриот почеток во животот.
Значи сте решиле да чекате
Ако сакате да чекате да имате деца, не сте сами. Повеќето двојки ќе забременат една година од како ќе почнат со обидување. Иако една од седум двојки има проблеми со зачнување – возраста е голем играч во оваа статистика.
Една од шест жени на возраст меѓу 35 и 39 години нема да остане бремена по една година. Ако нејзиниот партнер е над 40, овој процент паѓа на повеќе од една на четири.
Многумина сметаат дека ИВФ е сигурен начин на зачнување, но неговиот успех исто така се менува со возраста. За жената која користи сопствени јајца, успехот на ИВФ над 40 е помал од 10 проценти.
Ризиците кои се однесуваат н одложување на родителството се симулирани со компјутерско моделирање. Ако 30-годишна жена одложува раѓање на бебе од 30 до 35 години, нејзините шанси за забременување се намалени за 9 проценти, но доколку тоа се прави со ИВФ ќе компензира само 4 проценти.
И ако сте решиле да ги замрзнете јајцеклетките, одлично. Освен тоа што жените произведуваат помалку јајца („ооцити“) кога стареат, исто така на постарите жени можеби ќе им требаат повеќе кругови на стимулација за да складираат осум до десет јајца потребни за да имаат шанса за успешно раѓање – и ова може да биде многу скапо.
Што ќе ве кошта?
„Пенали за мајчинство“ честопати се цитира како термин во економските дискусии за ефектот на мајчинството врз женските кариери. Според овие дискусии тоа е губење на заработката за жените кои се принудени да преминат во неплатен работен однос за одреден временски период.
Но, ова намалување на приходите не е родово специфично. И тоа важи и за татковците кои одбираат да ја прекинат работата за да го одгледуваат своето потомство.
Во крајна линија заклучокот е точен дека доколку се оддвои време да се има семејство се разбира дека логички би можело да има пад на семејните приходи.
Кога да започнете со планирање на семејство?
Научните податоци се јасни: „Вистинска“ возраст да се има дете според вашиот биолошки часовник е под 35 години за жени и под 40 години за мажи.
Повеќе од 75 проценти од младите го потценуваат влијанието на возраста врз плодноста кај двата пола. Само 27 проценти од докторите ја дискутираат овва тема со пациенти на возраст од 18 до 34 години кои сакаат да го одложат раѓањето заради социјални причини.
Потребно е да има поголема свесност за ризиците од одложување на планирањето на семејството, а семејните лекари треба да играат поголема и проактивна улога во ова.
