Дали зборот „Браво“ е непотребен кога сакате да го пофалите своето дете [1 ДЕЛ]

Монтесори програмата насочува дека е поважно стекнатото искуство, знаење и емоции со кои детето се здобило, а не крајната цел, до која стигнало со извршување на различни задачи.

Не мислите ли дека децата понекогаш го слушаат зборот „браво“ премногу често во текот на еден ден. Овој збор е навлезен многу длабоко во нашата секојдневна комуникација со децата, но во училница на едно училиште кое работи по програма „Монтесори“, тешко дека ќе слушнете слична фраза.

Ова не значи дека според овој метод не треба да користите позитивни и охрабрувачки разговори кога разговарате со своите деца. Едноставната разлика е дека, според овој систем пофалните зборови повеќе се фокусираат на процесот на успех, а не на крајната цел. Односно, за монтесори програмата е поважно стекнатото искуство, знаење и емоции со кои детето се здобило, а не крајната цел, до која може да се стигне со извршување на различни задачи .

Постојат многу начини да се изрази позитивна поддршка за децата да ги натераме да се ценат себеси и сопствената работа. Ако сето ова ви звучи премногу апстрактно вака кажано, подолу можете да погледнете некои од илустративните примери кои најчесто се користат од наставниците Монтесори.

Долго време си посветил за да го сработиш ова!

Кога детето ви покажало слика која е насликана, пробајте да ги фокусирате коментарите на целиот креативен процес, извршен од детето, а не врз тоа колку е убава самата слика.

Покажете му дека сте виделе колку долго и напорно тоa работело за да ја создаде својата творба. Ова истакнување на вистинскиот процес на креирање на сликата ќе му покаже на детето што е навистина важно. Следниот пат кога детето ќе треба да твори нешто, тоа не само што ќе го забрза процесот, туку ќе се потруди повеќе, бидејќи ќе осознае дека трудот е важен.

Што ти беше нај забавно кога ја црташе сликата? Кој дел ти беше нај забавен додека ја работеше задачата?

Со насочување на прашањето на она што мисли самото дете дека е нај забавно, го ставате во ситуација да суди само за својата работа, а не да го правите тоа вие. На овој начин вие го оспособувате своето дете да има сопствено мислење, без да има потреба да биде водено од возрасно лице, и во иднина нема да му треба никакво одобрение кога од него се бара самостојно да изврши некаква задача. Главната цел на прашањето е да се концентрираме на она што навистина им прави задоволство.

Со континуитет на вакви слични прашања детето ќе стигне до она што навистина му се допаѓа, а после одредено време ќе се стреми да се занимава и да се посвети на работи кои се пријатни за него.

Што ти се допаѓа најмногу кога црташ или работиш нешто (што ти се допаѓа најмногу на цртежот)?

Вака ќе го поттикнете детето да биде критичар. Кога го прашувате  што мисли дека е најдоброто нешто во неговиот цртеж, вие му помагате да изгради навика да гледа во сопствената работа, напредок и вештини, наместо да се спордува со другите.

Кажи ми повеќе за твојата слика, за тоа што си го нацртал

Многу често, кога нашите деца ни покажуваат што направиле, тие само сакаат да споделат и да разговараат со некого за тоа. Често излегува дека не им е потребна никаква проценка од наша страна. Затоа можете само да побарате од детето да ви каже повеќе за неговиот цртеж или дело. Тоа истовремено ќе му укаже на малиот човек интерес, ќе го стимулира да мисли и комуницира, раскажува за намерите, изработувањето и резултатот од целиот труд.

Како ги избра боите?

Ако детето е малку поголемо, може да си дозволите и да му поставите поспецифични прашања за тоа како дошло до крајниот резултат. Прашајте ги како и зошто ги избрале специфичните бои или каков вид хартија користеле. Покажете им дека сте длабоко заинтересирани за секој чекор од реализацијата на сликата и да им помогнете целосно да ги разберете вашите прашања а со тоа да ги осмислат личните одговори на вашите прашања.

Сè изгледа толку уредно и убаво кога ги собираш играчките, алиштата, итн..

Коментирајте ги точните активности што ги направило детето а ве импресионираат вас, но исто така и причините заради кои сте се фасцинирале од овие активности.