Луѓето со дијабетес треба да го избегнуваат овесот со додатоци којшто содржи високо количество на шеќер и како замена да консумираат суров овес.
Денеска овесот е популарен избор за појадок. Во зависност од типот на обработка, постојат неколку различни видови на овес коишто вообичаено се консумираат за појадок, меѓу кои овесна каша и овесни снегулки.
Нутритивните вредности на секој тип на овес се менува во зависност од тоа дали има одредени додатоци. Имено, суровиот овес во секоја форма има иста нутритивна вредност. Сепак, на пример, многу готови пакувања на овес што може да се најдат во маркетите содржат додаден шеќер и ароми, како и високо количество на натриум. Исто така, колку е пообработен овесот, толку е побрзо неговото варење во организмот и повисок гликемичниот индекс – мерка за тоа колку брзо се зголемува шеќерот во крвта кога се јаде.
Придобивки од овесот
Овесот е главен извор на јаглехидрати. Јаглехидратите се претвораат во шеќер кога се варат и го зголемуваат нивото на шеќер во крвотокот. Јаглехидратите што содржат влакна предизвикуваат побавно ослободување на шеќер во крвотокот, намалувајќи го потенцијалото покачување на шеќерот во крвта по оброкот.
Консумацијата на храна којашто содржи преработени јаглехидрати и шеќери, особено пакуваната преработена храна, го зголемува ризикот од покачување на шеќерот во крвта по оброкот бидејќи брзо се вари.
Зеленчукот, овошјето и целите зрна содржат сложени јаглехидрати кои се полни со влакна и хранливи материи кои му даваат сила и енергија на телото. Имено, експертите препорачуваат почесто да се консумираат ооброци и закуски коишто содржат сложени јаглехидрати.
Додавањето на некои протеини и здрави масти ги дополнуваат овие хранливи оброци. Здравите масти се неопходен дел од исхраната и им помагаат на луѓето да се чувствуваат полно и заситено. Протеините, пак, помагаат на луѓето да се чувствуваат полно и заситено подолго време. Овие хранливи материи обезбедуваат постабилно ниво на шеќер во крвта кога се комбинираат со сложени јаглехидрати.
Одредени типови на храна содржат јаглехидрати, протеини и масти, додека други треба да се комбинираат за да се формира посакуваното количество на хранливи материи. Комбинирањето на протеини и масти со јаглехидрати може дополнително да го забави варењето што може да помогне да се намали наглото покачување на шеќерот по јадењето.
Нутритивни вредности на овесот
Според „United States Department of Agriculture“ една половина чаша чист овес без додатоци содржи:
- 153 калории;
- 3 грама масти;
- 27 грама јаглехидрати;
- 0,4 грама шеќер;
- 4 грама влакна;
- 5 грама протеини;
- 25% од дневното количество на витамин Б што ни е потребно;
- 19% железо;
- 28% магнезиум;
- 33% фосфор;
- 20% цинк;
- 33% селен.
Овесот како избор на храна за луѓето со дијабетес
Луѓето со дијабетес треба да го избегнуваат овесот со додатоци којшто содржи високо количество на шеќер и како замена да консумираат суров овес. Овесот може да биде здрав избор на појадок, особено кога се консумира во комбинација со типови на храна којашто содржи протеин и здрави масти. Луѓето со дијабетес, исто така, може да го консумираат овесот во комбинација со различен тип на зеленчук, како печурки, спанаќ и кромид, како и зачини како црн пипер и ким, што е одличен избор за солен појадок.
