Главоболки кои често се појавуваат во ист период од секој месец можат да биде знак дека нивото на естрогенот се менува.
Хормоните влијаат на начинот на кој функционираат клетките и органите во нашето тело. Нормално е нивото на хормоните да се менува во различни периоди од нашиот живот, како на пример, пред или за време на менструален циклус, бременост или менопауза.
Хормонскиот дисбаланс може да предизвика многу промени во телото на жената, меѓу кои многу чести се следниве седум:
Нередовни циклуси
Менструалниот циклус кај повеќето жени доаѓа на секои 21 до 35 денови. Доколку вашиот циклус не доаѓа приближно во ист период секој месец или пак доаѓа по неколку месеци, тоа може да значи дека во вашиот организам има преголемо или премало количество на одредени хормони – естроген и прогестерон. Ако сте во 40-те или раните 50-ти години од животот причината може да биде перименопаузата, односно периодот пред менопаузата. Но нередовните циклуси можат, исто така, да бидат симптом на здравствени проблеми како полицистични јајници. Оттука е важно секогаш да поразговарате со вашиот лекар.
Промени во расположението
Истражувачите сметаат дека наглото зголемување или намалување на хормоните можат да предизвикаат промени во расположението. Естрогенот влијае серотонинот, допаминот и норадреналинот. Сепак и други хормони кои патуваат по истиот пат како и невротрансмитерите, исто така, играат улога во тоа како се чувствувате.
Главоболка
За некои жени намалувањето на естрогенот е главниот предизвикувач на главоболки. Поради ова, вообичаено е главоболките да се појавуваат пред или за време на месечниот циклус, периоди кога естрогенот е во опаѓање. Редовните главоболки или оние кои често се појавуваат во ист период од секој месец можат да биде знак дека вашите нивоа на овој хормон може да се менуваат.
Проблеми со спиењето
Доколку спиете лошо или не спиете доволно, вашите хормони може да играат улога. Прогестеронот, хормон што се ослободува од вашите јајници, помага во заспивањето. Ако вашите нивоа на прогестерон се пониски од вообичаеното, тоа може да го отежни заспивањето, како и цврстото спиење. Нискиот естроген, исто така, може да предизвика топли бранови и ноќно потење коишто може да го отежнат заспивањето и спиењето.
Намалено либидо
Многумина тестостеронот го сметаат за машки хормон, но женските тела исто така го произведуваат, иако во помали количества. Ако нивото на тестостерон ви се пониски од вообичаеното може да се соочите со намалена желба за секс.
Стомачни тегоби
Во нашиот стомак има рецептори кои реагираат на естроген и прогестерон. Кога овие хормони се повисоки или пониски од вообичаено, може да забележиме промени во начинот на варење на храната. Затоа дијареата, болката во стомакот, надуеноста и гадењето може да се појават или да се влошат пред и за време на менструалниот циклус. Ако имате дигестивни проблеми, како и проблеми со појава на акни и замор, нивото на хормони може да биде причината за нивната појава.
Вагинална сувост
Вагиналната сувост е нормално да се појави повремено. Но доколку забележите дека често се соочувате со вагинална сувост и иритација, нискиот естроген може да биде причина за тоа. Имено, естрогенот му помага на вагиналното ткиво да остане влажно. Ако нивото на естроген значително се намали може да ги намали вагиналните течности и да предизвика сувост и затегнатост.
