Ленот е Одличен омекнувач на столицата кој ја промовира добрата цревна флора.
Лененото семе има статус на супер храна која е признаена по бројните здравствени бенефити. Лигнаните кои ги содржи лененото семе му го даваат силното антиканцерогено дејство, штити од срцеви заболувања, мозочен удар и тромбоза. Ова лековито семе апсорбира некои состојки од храната, ги чисти цревата и истовремено го снабдува организмот со лецитин, кој го стимулира метаболизмот на мастите. Тоа е заради омега-3 масните киселини кои ја активираат работата на потните жлезди во телото, помагајќи во топењето на вишокот масти во организмот, и е идеален домашен препарат за слабеење.
Освен за губење на вишокот килограми, има одличен ефект за одржување на посакуваната телесна тежина. Препорачан е од многу нутриционисти, а корисен е и за луѓе кои патат од гастритис, чир на желудник, хроничен запек и хемороиди. Помага и за лечење на циститис и пиелонефритис. Исто така, лененото семе е познато како идеално решение за опстипација.
Симптомите на опстипација го засегаат 25% од населението, па решение за овој проблем може да се најде не само во фармацевтската индустрија туку и со внесување на некој прехранбени продукти како што е лененото семе.
Како ленот помага во решавање на проблемите при опстипација?
Здрава балансирана исхрана и редовно вежбање се важни навики за долгорочно подобрување на перисталтиката на цревата. Ленот е познат како еден од најдобрите начини за олеснување на запек со векови. Ленените семки содржат од 6 до 12 проценти слуз. Билниот лепак (Mucilage) е слузаво соединение кое има смирувачко и заштитно влијание на дигестивниот тракт.
Одличен омекнувач на столицата кој ја промовира добрата цревна флора.
Помага во намалување или елиминирање на потребата за храна и ја надополнува потребата на телото за добри масти и влакна.
Консумација на ленено семе помага при намалување на иритација на стомакот, што е особено корисно за луѓето кои имаат иритабилен колон, дивертикули и други интестинални проблеми.
Освен за употреба во салати и смути, семките на ленот може да се измелат. Имајте на ум дека ако семето е мелено пред употреба, вие максимално ќе ги искористите придобивките од неговата консумација. Оваа препорака е таква бидејќи постои ризик скапоцените масти кои ги содржи да оксидираат.
Конечно, доколку го користите лененото семе како помош при опстипација треба да бидете сигурни дека пиете доволно вода.
Препорачани количини на ленено семе за здрави лица се 1 до 2 мали лажички дневно, а доколку сакате да ја подобрите работата на дигестивниот систем тогаш се препорачува 2-3 лажички ленено семе во текот на денот.
Корисен совет за побрз ефект: Потопете го лененото семе во течност ноќта пред да го користите и содржината испијте ја пред да јадете. На овој начин ќе постигнете побрз и подобар ефект и ќе ги решите проблемите со опстипација.
Хранливи вредности/калории:
- 100 g ленено семе = 534 калории;
- Масти: 42g (65% од препорачаната дневна доза);
- Заситени масти: 4g (18%);
- Транс масти: 0g;
- Холестерол: 0g;
- Сол: 30mg (1%);
- Јаглехидрати: 29g (10%);
- Влакна: 27g (109%);
- Шеќери: 2g;
- Протеини: 18g;
Најзастапени витамини и минерали:
- Витамин B1: 1.6mg (110%);
- Витамин B2: 0.2mg (9%);
- Витамин B3: 3.1mg (15%);
- Витамин B6: 0.5mg (24%);
- Витамин K: 4.3mcg (5%);
- Фолна Киселина: 87.0mcg (22%);
- Калциум: 255mg (26%);
- Железо: 5.7mg (32%);
- Магнезиум: 392mg (98%);
- Фосфор: 642mg (64%);
- Калиум: 813mg (23%);
- Цинк: 4.3mg (29%);
- Бакар: 1.2mg (61%);
- Манган: 2.5mg (124%);
- Селен: 25.4mcg (36%).
