Споделете со пријателите!
Нов изум кој ќе ви овозможи поголема продуктивност на работното место
Додека некој е на плажа, некој мора и да работи. Доколку сакате да бидете продуктивни на работа а работите во многу бучна атмосфера и ви е тешко да се сконцентрирате, треба да го набавите „Хелмфон“ (Helmfon). „Хелмфон“ е кацига којашто ги отсранува позадинските звуци и можете да си работите во тишина. Оваа кацига, којашто (мора да се признае) изгледа помалку смешно, е изум на украинската компанија Hochu Rayu со цел да овозможи максимална концентрација на работното место.
„Може да одржите состанок на телефон или на интернет во просторија со многу луѓе“
Кацигата ви овозможува да одржите приватен состанок на телефон или на интернет во просторија со многу луѓе, благодарение на вградениот микрофон, блутут и држач за вашиот мобилен телефон. Иако на прв поглед изгледа смешно, овој изум е всушност доста корисен. Првичната идеја за создавање на ова помагало била потребата на една IT компанија за телефонска говорница.
Споделете со пријателите!
