Суши, зеленчук и зелен чај за долговечност
Културата и историјата на еден народ, во голема мера се отсликуваат во традиционалната храна на тој народ. Јапонците се познати како нација којашто може да се пофали со долговечност, здравје и вита става. Овие одлики во голема мера се заради храната и навиките во јадењето, како и од целокупниот животен стил и начин на размислување кој се разликува од Западот. Суши, зеленчук и зелен чај – ако сакате да го прославите 86-тиот роденден, тврди едно истражување.
1. Храна базирана на риба, соја, зеленчук и овошје
Зготвената храна е клучот за здрав оброк. Заборавете ги комплицираните рецепти и задржете се на основите. Храната треба да биде свежа и минимално термички обработена. Еден традиционален јапонски оброк содржи риба, обарен зеленчук, малку супа, зелен чај и овошје за десерт. Инаку, јапонските десерти не се особено благи, бидејќи нивната основа е ориз.
2. Мали порции
Нивниот концепт за уживање во храната, се заснова на ставот да се престане со јадење, тогаш кога ви е најубаво. Јапонците секој вид на храна, го сервираат во различна чинија и никоја од нив не е целосно полна. Воедно, најважен оброк во денот, им е појадокот.
3. Ориз наместо леб
Јапонскиот начин на исхрана целосно го исфрла лебот и со секој оброк, се јаде варен ориз. Подобра опција е кафеавиот интегрален ориз. Сепак, доколку ви се допаѓа вкусот на лебот, одлучете се леб направен од полно зрно.
4. Различен пристап кон начинот на исхрана
Јапонските жени не се воспитуваат во духот на постигнување брзи резултати со опасни диети. Нивната тајна е умереност во јадењето, помалку десерти и постојана активност како неизоставен дел од нивната дневна рутина.
