За да може телото нормално да функционира дневните потреби за Магнезиум се 6 mg по килограм телесна тежина, што би значело околу 350mg за жени и околу 450 mg за мажи.
Mагнезиумот е олигоелемент кој има огромно витално значење за нашето здравје. Без него не би можеле да продуцираме енергија и нашите мускули постојано би биле во контрахирана состојба. Магнезиумовиот јон ја регулира работата на повеќе од 300 ензимски системи во нашето тело имајќи улога како ко-фактор.
Накусо,неговата улога и присуство се непоходни во следните процеси:
- Учествува во клеточните процеси на производство на енергија
- Важен за невромускулна стимулација
- Важен за минерализација на коските
- Учествува во регулирање на коагулацијата на крвта
- Учествува во транспортот на гликоза во клетките
- Важен за превенција на срцеви заболувања и атеросклероза
Особено е важно да се внесува при: висок крвен притисок, раздразливост, грчеви во мускулите.
За да може телото нормално да функционира дневните потреби за Магнезиум се 6 mg по килограм телесна тежина, што би значело околу 350mg за жени и околу 450 mg за мажи.
Што може да предизвика недостакот на магнезиум?
- недоволен внес преку исхраната;
- зголемена физичка активност;
- зголемен внес на алкохол;
- одредени дигестивни нарушувања (Кронова болест, Целијакија);
- лекови (одредени лекови од групата на антибиотици, естрогени, кортикостероиди, дигоксин, диуретици , антиканцер лекови, лекови за третман на астма и др.);
- стрес;
- дијабетес;
- нарушување во функцијата на црниот дроб;
- хормонски нарушувања.
За среќа, голем дел од хранливите намирници содржат доволно Магнезиум и нивното секојдневно внесување гарантира задоволување на дневните потреби со овој минерал.Меѓу најбогатите извори со Магнезиум спаѓаат:
- Банани – тие се многу добар извор на магнезиум, во една банана се наоѓа околу 50 mg магнезиум.
- Зелениот зеленчук – спанаќ, зелена салата, авокадо, блитва содржат големо количество магнезиум кое се должи на присуството на хлорофил (основа во градбата на хлорофилот е магнезиумот).Овие зеленчуци содржат околу 100 mg магнезиум во 100 g.
- Интегралните житарици (100 g интегрален ориз содржи околу 140 mg),
- Јаткастите плодови , гравот и мешункастите плодови се исто така добар извор на магнезиум.
Во поново време се повеќе се истакнува неговата важност во процесот на нормално одвивање на психичките функции, намалување на заморот и исцрпеноста и несоницата. Имено, ниското ниво на магнезиум е поврзано со несоница,стрес и раздразливост. Тој се врзува за ГАБА инхибиторните анксиолитички рецептори во мозокот и нервниот систем и со тоа придоденусува за нормализирање на сонот. Докажано е дека суплементацијата со Магнезиум доведува до:
- Подобрување на субјективните параметри на несоницата мерени преку ISI тестот (Insomnia severity index)
- Влијае на полесно заспивање и длабочината на сонот
- Должина (времетраење) на сонот
- Утринско будење по кое организмот се чувствува одморен и наспан
Овие ефекти се особено видливи ако Магнезиумот се зема во комбинација со Мелатонин (природен хормон кој го регулира сонот) и Валеријана (природен седатив и анксиолитик кој ја намалува напнатоста и го олеснува заспивањето)
Мр. Фарм. Љупчо Јанковски
