kako_podobro_da_dobieme_slika_za_toa_sto_vsusnost_e_disleksijata_image
Споделете со пријателите!

Дислексијата е болест која ретко кој ја разбира целосно. Повеќето од нас знаат за што се работи, но благодарение на одреден веб симулатор ќе можеме да добиеме поточна слика за ова заболување
Дислексијата е заболување кое предизвикува потешкотии при читање и пишување. Луѓето кои имаат дислексија се соочуваат со секојдневни предизвици кога станува збор за читањето и пишувањето. Знаците кои укажуваат на дислексија вообичаено се појавуваат кога детето започнува да оди во училиште и кога започнува да учи како да чита и пишува. Кај луѓето со дислексија можат да се појават следните симптоми:

  • Тие бавно читаат и пишуваат;
  • Често го мешаат редоследот на буквите во зборовите;
  • Прават грешки при употребата на буквите (на пример: „b“ наместо „d“ во латиничната азбука);
  • Слабо се снаоѓаат со спелувањето на зборовите;
  • Ги разбираат информациите што им ги даваме вербално, но покажуваат проблеми со информацијата што е напишана;
  • Имаат проблеми со планирање и организација.

Но и покрај ваквите проблеми, луѓето со дислексија покажуваат сосема добри вештини кога се во прашање креативноста и решавањето на проблеми. 

На останатите луѓе кои не се соочуваат со дислексија, им е тешко да замислат како е да се живее со ова заболување. Но благодарение на Виктор Видел – Victor Widell, сега постои веб симулатор преку кој може да се види како им изгледаат зборовите на луѓето со дислексија. На неговиот сајт, Видел поставил текст во кој буквите во зборовите се измешани и го менуваат своето место постојано. Овој текст е пример за т.н. типогликемија, односно способноста да се прочитаат зборови во кои сите букви освен првата и последната се погрешно напишани. Иако постојат разни форми на дислексија, овој пример поставен на страната на Виктор Видел ни дава добра слика за тешкотиите со кои луѓето со дислексија се соочуваат.

Прочитајте:  Може ли крпите кои ги користиме во кујна да предизвикаат гастроентероколит?

На страната биле објавени и коментарите на многумина кои се соочуваат со дислексијата. Според коментарите, некои од нив објасниле дека текстот дава прилично добра слика за нивните секојдневни потешкотии, додека пак други се изјасниле дека да се живее со дислексија е многу потешко отколку тоа што е претставено со објавениот текст.

kako_podobro_da_dobieme_slika_za_toa_sto_vsusnost_e_disleksijata_image1
Веб симулаторот на Виктор Видел

Симптомите на дислексија најчесто се појавуваат кога децата започнуваат со процесот на учење читање и пишување. Но, возрасните луѓе кои имаат дислексија не секогаш знаат дека се соочуваат со некакво заболување. Меѓу различните форми на дислексија се вклучуваат бавното читање и пишување и мешањето на редоследот на буквите во зборовите.


Споделете со пријателите!