Хируршкиот третман е воглавно резервиран за лекување на потешките форми на уринарна инконтиненција
Уринарната инконтиненција е дефинирана како неволно и неконтролирано испуштање на урината низ природните уринарни патишта. Уринарна инконтиненција е многу често заболување со големо влијание врз квалитетот на животот на болниот.
Битно е да се разбере дека ова не е физиолошка појава на староста, па затоа треба да се лекува. Лек од избор во лекувањето на ургентната инконтинеција се антихолинергиците.
Хируршкиот третман е воглавно резервиран за лекување на потешките форми на стрес или мешаната инконтиненција.
15-30% од популацијата постара од 65 години; се соочува со овој проблем (секој втор пациент ги крие симптомите)
- 28% од жените на 55 години;
- 17% од мажите на 55 години;
- Ж > М до 75-та годишна возраст, потоа Ж = М.
Според Етиолошките фактори заради кој настанува, инконтиненцијата може да е:
- Привремена инконтиненција:
- Алкохол, caffeine;
- Акутна уринарна инфекција;
- Опстипација;
- Некои лекови (антихипертензиви, седативи, мускулни релаксанти, високи дози на Vit. B и C).
Перзистентна инконтиненција:
- Старост;
- Менопауза;
- Акушерски интервенции;
- BPH или карцином на простата;
- Калкулоза;
- Невролошки пореметувања (ICV, M. Parkynsoni, Sclerosis multiplex, Alzheimer, полинеруопатии, вертебрална траума и др.)
Фактори на ризик
- Луѓе со прекумерна телесна тежина;
- Жени мултипари или со тешко породување;
- Жени во менопауза и хормонални промени;
- Пациенти со дијабет;
- Хронична опструктивна белодробна болест;
- Пациенти со артериска хипертензија;
- Хронична бубрежна инсуфициенција;
- Прекумерни контракции на детрусорот.
Ургентната инконтиненција може да настане заради различни етиолошки причини
Инфекции, калкулоза, тумори, атрифичен вагинитис или уретритис, ICV, sclerosis multiplex, M. Parkynsoni, деменција, BPH и др.
Стрес или сфинктерна инконтиненција може да се случи заради
- Инкомпетентни сфинктери (инфекции, траума, зрачење, неурогена дисфункција).
- Зголемен абдоминален притисок (кашлање, кивање, смеење и др.);
- Хипермобилност на вратот на м. меур и уретрата (старост, хормонални пореметувања, акушерски операции).
Преливна Инконтиненција настанува при
- Прекумерна дистензија на мочен меур;
- Субвезикална опструкција (BPH, стриктура на уретра, цистоцела);
- Хипотоничен или атоничен детрусор (траума на кичма, ICV, лекови, дијабет).
Цел на лекување е да се постигне Релаксација на детрузорот и зајакнување на сфинктерите и мускулите на урогениталната дијафрагма
Медикаментозната терапија вклучува:
- Антихолинергици (антимускариници);
- Алфа-адренергици;
- Естрогени;
- Комбинирана терапија.
Доколку нема ефект медикаментозната терапија тогаш се прави хируршки зафат по неколку методи „Sling“ процедури:
- Tension Free Vaginal Tape (TVT);
- Trans Obturator Tape (TOT).
- Отворена хирургија:
- Marshall-Marchetti-Kantz procedure;
- Ретропубична колпосуспензија.
Степен нa успешност на хируршкото лекување на уринарната инконтиненција изнесува околу 80%, степен на успешност после 10 години опаѓа на 50%.
Д-р Скендер Велија, специјалист уролог
