Споделете со пријателите!
Салата идеална за зимски денови
Оваа салата е свежа и крцкава и одлична во зима, кога доматите имаат вкус на пластика. Рецептот е од Џејми Оливер. Сигурно ја забележавте чудната конусна зелена зелка. Таа може да се најде во подобро снабдени супермаркети и има ист вкус како нормална округла зелка. Најдобро е зелката да се изренда или исече на тенки парчиња, иако како што гледате од фотографијата, парчињата можат да бидат и покрупни.- пола зелена зелка;
- пола црвена зелка;
- пола кромид;
- 2 моркови;
- околу 10 ротквици;
- 1 лута пиперка;
- 1 китка свеж кориандер;
- сок од 2 зелени или обични лимони;
- маслиново масло;
- сол.
Ситно изрендајте ја зелката, и на тенки листови исечете ги морковите, ротквиците и кромидот. Ситно исецкајте ги кориандерот и лутата пиперка. Измешајте ги сите состојки, ставајќи само половина од количината кромид и пиперка. Измешајте ја салатата со малку маслиново масло, сокот од лимоните и посолете ја. Пробајте за вкус и доколку е потребно, додајте ги остатокот кромид и лута пиперка, и уживајте!
* рецептите со во целост превземени од ситно сецкано
Споделете со пријателите!
