svetska-nedela-na-doenjeto-1-7-avgust
Споделете со пријателите!

Светската здравствена организација го охрабрува чинот на доење
Светската недела на доењето се одбележува секоја година од 1 до 7 Август во повеќе од 170 земји низ целиот свет. Целта на ова годишно одбележување е промовирање и охрабрување на чинот на доење кој е особено важен за здрави бебиња. Младите мајки се охрабруваат да дојат за да се подобри здравјето кај новороденчињата низ целиот цвет.

Доењето е најдобриот начин да се обезбедат сите хранливи материи што им се потребни на бебињата после раѓањето. Светската здравствена организација – СЗО го поттикнува доењето како единствен начин на хранење започнувајќи од првиот час после раѓањето па се додека бебето не наполни шест месеци. После шестиот месец, покрај доењето се препорачува на детето да му се дава и друг вид на храна како извор на дополнителни хранливи материи. Според СЗО, доењето е особено важно затоа што:

  • Мајчиното млеко ги содржи сите потребни хранливи материи за здрав развој на детето;
  • Заштитува од појава на респираторни инфекции, астма, дијабетес и прекумерна телесна тежина.

Мотото на годинешната недела на доењето е: „Доењето и работата – Ајде да направиме овие две работи да функционираат“.

Оваа година, целта на одбележувањето на неделата на доење е да им се помогне на младите мајки што работат да добијат право да ги дојат своите деца на работното место. Светската алијанса за поттикнување на доењето – The World Alliance for Breastfeeding Action (WABA) во оваа 2015 година меѓу другото се заложува за:

  • Поддржување на жените низ целиот свет да можат да ги дојат своите деца додека се на работа;
  • Поттикнување на работодавците да ја поддржат годинешната акција, да овозможат услови (време и место за доење) и да ги охрабрат жените кои работат да продолжат со доењето на нивните деца на работните места;
  • Ратификација и имплементација на закони и одредби за заштита на мајчинството.
Прочитајте:  Настинка кај бебињата

Споделете со пријателите!