Два начина за приготвување сутлијаш
Еден класичен, многу вкусен и кремаст, а другиот се надоврзува на класичниот, но е со малку поразличен вкус, со портокал и лимон, но и уште покремаст.
- 1 шоља ориз;
- 1 l млеко за варење;
- 5-6 лажици шеќер;
- 1/4 шоља хопла;
- 1 кесичка ванилин шеќер;
- цимет за посипување.
Ставете го оризот во големо тенџере со малку вода, колку едвај да го покрие и мешајте со дрвена лажица додека водата не зоврие. Потоа сипете го млекото и пола од шеќерот и оставете го сутлијашот да се вари на тивко, со повремено мешање додека оризот не се свари убаво и не го впие целото млеко. На пола од варењето ставете го и останатиот шеќер, а при крај ванилиниот шеќер.
Рецептот со портокал и лимон:
Овој сутлијаш се подготвува исто како и првиот, само што откако ќе се стави млекото, се става и рендана кора од еден портокал и еден лимон и при крајот на варењето, освен ванилин шеќер, му се додава и 1/4 шоља хопла.
Сервирајте го во садови кои ви изгледаат најпримамливи, и посипете го со цимет.
* рецептите со во целост преземени од ситно сецкано