Храната што ја јадеме понекогаш лошо влијае на нашите заби
Нашите заби се првото нешто што го забележуваме кога луѓето се смеат. Затоа е многу важно тие да бидат здрави и убави. Насмевката е многу поубава ако забите нѝ се во добра состојба. Храната има огромно влијание врз состојбата на забите, па затоа треба да се внимава каква храна се внесува во устата. Еве на што треба да се обрне внимание.
НЕ за преработените јаглехидрати
Јаглехидратите се всушност шеќер. Кога јадеме јаглехидрати, во нашата уста тие се претвораат во шеќер благодарение на плунката која ја разградува храната. А шеќерот е лош за нас затоа што бактериите што ги имаме во устата го јадат шеќерот и создаваат киселина, а со тоа ги расипуваат забите.
Алкохолот не ви е од полза
Плунката во устата делува антибактериски и е особено важна за здравјето на забите. Токму поради тоа, сè што ја суши устата е лошо за вас. А луѓето што пијат прилично многу алкохол имаат многу суви усти. Не се препорачува целосно да се откажете од алкохолот, туку само да го пиете во умерени количини особено кога и без пиење на алкохол имате проблем со сува уста.
Мразот не е добра идеја
Мразот е доста цврст и џвакањето мраз не е сосема добра идеја. Освен што може да ви скрши некој заб, мразот е ладен и ги прави забите почувствителни и покршливи.
Суво овошје
Сувото овошје е одлично за вас, но не толку за вашите заби. Се лепи за забите и содржи иста количина на шеќер како и овошјето кое не е сушено, па затоа може да предизвика голема штета. Еден начин да се заштитите е да ги измиете забите веднаш после ваква вкусна ужина.
Енергетски пијалаци
Ваквите пијалаци се особено штетни за забите. Шеќерот и лимонската киселина во ваквите видови на пијалаци ја прават најголемата штета. Токму поради ова, тие се сметаат за поштетни и од газираните пијалаци.
Газирани пијалаци
Газираните пијалаци си имаат свое посебно место на оваа листа. Содржат шеќер и штетни киселини кои ја разјадуваат површината на вашите заби. Затоа кога пиете газирани пијалаци, доколку можете се препорачува да ги испиете одеднаш, а не малку по малку.
Лимон или лимета
Забите стануваат доста чувствителни како резултат на јадењето лимон или лимета, и сето ова поради ниската pH вредност (2) на овој вид на овошје. Тоа може да предизвика сериозен проблем со забите.
И за крај, нешто што можеби е најштетно за вашите заби е повраќањето на храна. Храната во желудникот е веќе сварена и при повраќањето забите се всушност изложени на чиста киселина. Според заболекарите, честото повраќање ги оштетува и ги разјадува забите на специфичен начин.
