startap-kompanija-od-bruklin-sozdade-gel-za-sprecuvanje-krvarenje-za-nekolku-sekundi
Споделете со пријателите!

Креатор на овој иновативен производ е 22-годишен инженер по биомедицина
„Составот на гелот е таков што служи како основа за сопствените клетки на телото кои вршат засирување на крвта“
Џо Ландолина – Joe Landolina е 22-годишен главен извршен директор на старт ап компанијата Сунерис – Suneris од Бруклин, Њујорк, која постои три години и има 25 вработени. Ландолина почнал да експериментира со ткивен инженеринг кога имал само 17 години и кратко потоа ја основал компанијата. Магистрирал биомедицински инженеринг на Универзитетот Њујорк, но според него, факултетот бил само спореден план. Компанијата го произведува гелот Vetigel, чија основна состојка се алгите, и може да го спречи крварењето од отворени рани за помалку од 10 секунди. Досега претежно се користи за третирање рани кај животни. Доколку се инјектира со шприц на засегнатото место Vetigel создава мембрана која ја запира крвта.

Според Ландолина, составот на гелот е таков што служи како основа за сопствените клетки на телото кои вршат засирување на крвта. Според компанијата Сунерис, за 10 секунди гелот креира мембрана која ги затвора раните и е два пати поцврста од природната, на која би и биле потребни дури десетина минути за да се формира. Од компанијата велат дека во моментов имаат нарачки од околу 200 ветеринарни клиники и преговараат со уште 3.300.

Цената на едно пакување со 5 шприцеви со Vetigel гел чини 150 долари. Младиот инженер преговара со ангели-инвеститори, но не сака да ја открива вредноста на инвестицијата, ниту имињата на инвеститорите. Џејсон Берг, неврохирург при специјализираниотцентар за животни во Јонкерс, Њујорк, кој самиот го тестирал гелот при оперирање мачки и кучиња, вели дека гелот штеди време и го спречува губењето крв. Тој додава дека не постои друг производ кој го спречува крварењето од артерии, а Vetigel гелот моментално ја стопира крвта. Ландолина најавува дека во ноември ќе почне да им испорачува на ветеринарните клиники и се надева да добие одобрение од Управата за храна и лекови на САД за од 2017 година гелот да почне да се применува кај луѓето.

Прочитајте:  Прва вакцина против Денга хеморагична треска

Превземено од: Иновативност.мк


Споделете со пријателите!