sozdadena-e-nova-koza_image
Споделете со пријателите!

Вештачката кожа ги прикрива сите ваши недостатоци. Совршено, нели?
Кожата е најголемиот човечки орган и со текот на времето се менува поради стареењето, болест или влијанието од животната средина. Тоа може да доведе до губење на функцијата на кожата и промена на нејзиниот изглед. Процесот на замена кај кожата секогаш бил комплициран во споредба со замената на другите делови од телото, односно вештачката кожа се покажала како многу сложен и неуспешен потфат.

Меѓутоа, истражувачот Роберт Лангер, професор по биоинжинерство на Институтот за технологија во Масачустес, конечно пронашол начин како тоа да го реши. Тој објави дека создал “нова“ кожа, направена од полимер кој е јак и растеглив, токму како вистинската кожа. Тоа всушност е невидлив слој кој се става на кожата.

Новата кожата се става на вистинската кожа, под услов да е сува, и може да се носи повеќе од еден ден. Целосно се вклопува на вистинската кожа а нејзиниот состав дури има својство и да ги “впива“ недостатоците од вашата кожа.

Роберт Лангер при претставувањето на кожата кратко објаснил дека проектот го работел осум години. Самата база на материјалот е од силикон, но со додаток од две различни креми кои се ставаат една врз друга се комплетира кожата. Всушност, тоа е комбинација од атоми на кислород со атоми на силициум, кои формираат полимери. Сепак, тој ги изменил молекуларните карактеристики, сè со цел да се добијат само својствата кои ги сака и и одговараат на кожата. Комбинацијата формира невидлив слој кој ја зацврстува кожата додека истовремено обезбедува воздушен слој на површината за да може кожата да дише. Новата кожа ќе се користи за заштита на вистинската кожа, егзема, прикривање на лузни, брчки и псоријаза. Веќе нема да имате грижи за штетното влијание на сонцето врз кожата, потење, ни стареење. 

Прочитајте:  Микро-роботи во форма на риба, ќе детектираат токсини и ќе пренесуваат лекови [ВИДЕО]

Погледнете го видето во прилог:


Споделете со пријателите!