Минијатурниот телескоп може да го подобри или врати целосно изгубениот вид не само кај лицата со макуларна дегенерација
Новата технологија во соработка со медицината создава иновации кои невозможното го прават возможно. Со години, пациентот Џон Џејмсон беше потполно слеп, но сега тој може да гледа благодарение на напредната технологија. Тој бил роден со нормален вид, но поради габична инфекција предизвикана од габата Histoplasmosis, неговиот вид почнал да се заматува. Во 1970-тите години неуспешна ласерска операција со намера да го поправи оштетувањето од габичната инфекција, уништила дел од ретината (мрежницата) во неговите очи.
Операцијата наместо да го поправи, до таа мера го влошила неговиот вид што тој бил прогласен за слеп. Неговата сопруга го охрабрила дапосети очен хирург за да се разгледаат новите можности за враќање на видот. Бионичката леќа може да го корегира видот без потреба од ласерска операција, но бионичкото око е изум што може да ви го врати видот или пак, на некои лица за прв пат во животот да им ја претстави убавината на поседувањето на ова сетило.
Заштитете го видот
Минијатурниот телескопот вграден во неговото око од страна на д-р Кристофер Шелби – Christopher Shelby, бил конструиран за лица кои страдаат од макуларна дегенерација предизвикана од старост. И покрај тоа што Џејмсон не страдал од оваа болест поврзана со стареењето, оштетувањето настанато од инфекцијата кај него било слично, па затоа тој бил идеален кандидат за ваква операција. Операцијата се состоела од имплантирање на минијатурен Галилеев телескоп во едното очно јаболко, што содржи широкоаголни и микро-оптички леќи.
Во соработка со рожницата, бионичкото око може да ги зголемува сликите од 2.2. до 2.7 пати од нивната просечна големина.
Ова зголемување овозможува сликите да се проектираат на здравите делови од мрежницата, заобиколувајќи ги оштетените слепи точки и враќајќи ја можноста за гледање на пациентите. Имплантот се вметнува само во едното око, па затоа пациентот по операцијата мора да научи како да го користи новото око. Периодот на прилагодување е многу важен, затоа што пациентите треба да знаат како да го користат и другото око без имплант за периферната визија и овие вештини се учат со текот на времето. По операцијата Џејмсон за прв пат по 40 години повторно го здогледал светот, но и за прв пат ја видел својата сопруга. По успешната операција Џејмсон моментално е на лекување со цел да се навикне на новото око и да го усоврши својот вид.
