simptomi-pri-alergija-na-jagodi_image
Споделете со пријателите!

Семејна историја за алергии, егзема или астма ги зголемува шансите за да развиете алергија
Чудно чувство во устата, осип, гушење, овие се само некои од симптомите кои може да се појават после консумирање на јагоди, а реакциите може да се посериозни и да доведат до анафилакса. Јагодите се многу вкусни, но ако имате алергија на јагоди, конзумирање на овој црвен плод може да предизвика голем број на симптоми. Ако сте алергични на јагоди, ќе треба целосно да го избегнете ова овошје и евентуално други овошја со слични карактеристики за да се спречи алергиска реакција. Симптомите на алергија на храна може да се развијат во рок од неколку минути или неколку часа по конзумирање на одредена храна.

При алергија на храна, симптомите се:

  • стегање во грлото;
  • чешање или пецкање во устата;
  • осип на кожата или егзема;
  • чешање на кожата;
  • отежнато дишење;
  • кашлица;
  • конгестија;
  • гадење или повраќање;
  • болки во стомакот;
  • дијареа;
  • вртоглавица;
  • зашеметеност. 

Благи или умерени симптоми при алергии најчесто се контролираат со антихистаминици. Тешка алергија на јагоди може да резултира со анафилакса, алергиска реакција којашто е опасна по живот. Анафилаксата предизвикува неколку симптоми кои може да се појават истовремено и бара итен медицински третман.

Симптоми на сериозна алергиска реакција вклучуваат:

  • оток на јазикот;
  • блокирани дишни патишта или оток во грлото;
  • голем пад на крвниот притисок;
  • забрзан пулс;
  • вртоглавица;
  • зашеметеност;
  • губење на свеста.

Доколку се појават вакви симптоми веднаш треба да се третира со адреналин. Луѓето кои имаат алергии и се застрашени од алергиска реакција, се свесни за својата состојба и најчесто со себе носат авто инјектор познат под името EpiPen. Алергиска реакција на јагоди значи дека имате алергија на храна. Алергии на храна се нешто заедничко. Тие влијаат на 6 до 8 проценти од децата на возраст до 3 години и до 3 проценти од возрасните

Причини

Алергии на храна се јавуваат кога имунолошкиот систем реагира на одредена храна која ја јадеме или во потешки случаи, при допир на таа храна. Како резултат на тоа телото создава хемиски хистамински одговор и го ослободува во крвотокот. Хистаминот може да предизвика многу симптоми кои се со различна тежина.
simptomi-pri-alergija-na-jagodi_image1

Фактори на ризик

Семејна историја за алергии, егзема или астма ги зголемува шансите за да развиете алергија. Може да се развие во секое време, иако децата имаат повисока стапка на алергии од возрасните, тие обично ја надминуваат со годините бидејќи им созрева имуниот систем.

Што се случува во телото на луѓето со алергија на јагоди

Протеинот кој предизвикува алергија е идентификуван како „Фра А1“ или Fragaria алерген 1 и тоа алерген кој се наоѓа во црвена јагода а во белите овошја го нема, истакнува една студија. Кај луѓето со алергија на јагоди, протеинот „Фра А1“ не е препознат од страна на имунолошкиот систем. Ова води до ослободување на Иг Е антитела кои се врзуваат кон овој алерген и тоа води кон ослободување на хистамин и други супстанции кои предизвикуваат воспаление.

Прочитајте:  8 избори на растителни протеини

Воведување јагоди кај деца

Различни се ставовите околу периодот кога првпат треба да се воведат јагоди. До скоро се препорачуваше чекање сè додека децата се најмалку 2 години. Сепак, Американската академија за педијатрија вели дека хранењето може да се започне уште од 4-месечна возраст, или 17 недели, и дека не консумирање на алергенски видови храна, како што се јагоди, кикирики итн., додека детето е постаро од шест месеци не нуди заштитни бенефиции.

Во Македонија се препорачува ексклузивно доење до шестмесечна возраст.

Алергија на храна може да се развие дури и ако нема фамилијарна историја на алергија. Ова е причината зошто треба да се воведува внимателно нова храна кај децата. Честопати може да се развие вкрстена реакција на храна. Јагодите се членови на семејството розоцветни. Други плодови во ова семејство се круши, праски, цреши, јаболка, капини. Ако имате позната алергија на овошје во ова семејство, тогаш шансите да сте алергични на јагода се големи. Околу 50% од луѓето со алергија на овошје од ова семејство може да има вкрстена реакција на друго овошје од ова семејство.

„Најчести симптоми: чешање во устата и во грлото, оток во и околу устата и грлото“

Еден пример на вкрстено-реактивна алергија е орален алергиски синдром. Најчесто се јавува кај постарите деца, тинејџери и возрасни. Симптомите вклучуваат чешање во устата и во грлото, оток во и околу устата и грлото. Оваа алергија е поврзана со алергии на полен. Јагодите и други плодови од семејството (Rosaceae) се поврзани со бреза поленози.

Симптомите на синдромот на оралната алергиска реакција обично се повлекуваат кога овошјето (храната која е причина) се проголтаат или извадат од устата. Некои луѓе може да јадат јагоди или друг вид овошје и зеленчук на кои се алергични ако тоа е термички обработено без да доживеат алергиска реакција. Да се живее со алергија на јагоди или било кој друг вид на храна може да биде незгодно, и треба да се избегне консумирање јагоди и храна која би довела до реакција. Јагоди се користат како додаток во многу видови храна и затоа треба да се провери внимателно етикетата за состојки за да бидете сигурни дека тие не се вклучени во составот на преработената храна.

Кога јадете надвор од дома, информирајте го персоналот кој служи храна за да бидете сигурни дека храната не ја содржи состојката која за вас е алерген.


Споделете со пријателите!