Споделете со пријателите!
Во Кина се гради самоодржлив еколошки град кој ќе се бори против загадувањето
Кина котира високо на „црната“ листа на загаденост во светски рамки. Но Владата на Кина не седи со сркстени раце и реши да преземе нешто големо и конкретно, а не само времени мерки – тие решија да ја променат иднината на урбаното живеење. Станува збор за проектот започнат лани, наречен Liuzhou Forest City. Воедно, овој проект започнува во време кога Кина забранува со закон да се градат градби без карактер или културно наследство, менувајќи го фокусот на „економски, зелени и убави“ градби. Овој шумски град ќе се гради во јужниот дел на Кина, а е осмислен од миланското студио „Боери“ на чело со познатиот архитект Стефано Боери, човекот кој ги проектираше зелените згради (Bosco Vertikale) во Милано. Предвидено е градот да биде прекриен со шума од 40 илјади стебла и милион билки со цел да се пречистува смогот и да се создава кислород.Овој е прв експеримент во секторот на урбаната средина кој навистина се труди да пронајде рамнотежа со природата“, изјавува за CNN главниот архитект Стефано Боери.
Градот на иднината ќе биде населен од 30 000 жители, ќе има околу 80 згради и ќе се простира на површина од 175 хектари. Превозот ќе се одвива со електрични автомобили а цела енергија за градско функционирање, ќе се добива од соларни панели поставени на покривите.
Споделете со пријателите!