Што се црвените кругови на телата на натреварувачите во Рио?

Дознајте зошто голем број од олимписките натпреварувачи имаат црвени кругови на своите тела

Традиционалната кинеска терапија со врели чаши, наречена „Cupping“, е метод на преднаучно и предмедицинско „лекување“ кој постои неколку илјади години. Всушност се споменува уште пред 3500 години во некои зачувани египетски записи. Со оваа терапија наводно се олеснува се одблокираат затнатите енергетски канали низ телото и се овозможува повторно слободно течење на QI, животната сила или виталната енергија. Се пропагира дека помага во циркулацијата на крвта, при болки во грбот и дури замислете го ослободува телото од токсини. Генерално станува збор за безопасна метода (не секогаш). Опишана на овој начин, делува ветувачки, но ова не е вистина. Всушност, оваа терапија не е ништо друго туку псевдонаука, односно се коси со медицината и медицинската експертиза. Технички загреани чаши се поставуваат на болното место, кои при ладење прават вакуум при што настанува пукање на ситните капилари. Затоа на кожата се појавуваат црвените кругови кои што исчезнуваат за три до четири дена. 

Спортистите тврдат дека оваа терапија им помага при стимулација на мускулите, дека ги опушта и им ја намалува болката. Терапијата со врели чаши најсвежо дознавме дека ја применува познатиот спортист Мајкл Фелпс а и други членови на американската пливачка експедиција, на чие тело се најзабележливи овие кругови за време на Олимпијадата. 

Иако нема никакви докази дека терапијата помага, некои и натаму ја практикуваат, факт кој не зачудува, имајќи во предвид дека спортистите со цел да го намалат стресот, често се склони кон суеверија и псевдонаука, бидејќи сметаат дека тоа може да им даде предност за постигнување подобри спортски резултати.