Лекот наречен Rapamycin се смета дека ќе им го продолжи животот на кучињата и ќе им ги намали болките во староста
Научници од Универзитетот во Вашингтон тврдат дека пронашле волшебен лек во вид на апче, кој ќе го продолжи животот на човековиот најдобар пријател. Во моментов, лекот е во последна фаза на тестирање, но надежта е голема и со изгледи дека ќе биде успешен проект кој ќе го промени животот на многумина.
Секој којшто има куче уште од првиот момент се прашува колку долго ќе живее неговото милениче, знаејќи дека животниот век не им е многу долг. Некои пак, иако отсекогаш сакале куче, не се одлучуваат да вдомат и тоа само заради тоа што некогаш треба да се одделат од него. Вашиот омилен пријател кој најмногу се радува кога ќе се вратите дома и ве сака без да бара ништо за возврат, го храните здраво, редовно го шетате и го носите на прегледи – сè со цел да поживее подолго.
Група научници во рамки на проектот Dog Aging Project открија потенцијална пилула наречена Rapamycin, којашто ќе им го продоложи животот на кучињата.
По експериментите врз глувци, се покажало дека овој лек го забавува процесот на стареење и го продолжува животниот циклус. Потоа лекот му бил давам и на 40 кучиња. Инаку, овој лек се користи за лекување на луѓе после трансплантација на органи и лечење на карцином.
Сопствениците на тестираните кучиња велат дека тие биле забележително поактивни и им се чинело како да се подмладиле.
Заклучокот на научниците по завршувањето на првата фаза на испитување е дека 70 проценти од кучињата почувствувале позитивни ефекти од лекот. Се планира за 10 години оваа процедура да ја поминат 10 000 кучиња за конечно да се востанови ефектот од лекот. Доколку се потврди неговото дејство, ветеринарите ќе го препушуваат лекот на редовните прегледи.
