Дознајте неколку интересни совети од нутриционисти со цел здравиот начин на исхрана да ви стане лесна навика и дел од секојдневието
Здравите прехранбени навики треба да ги практикувате заедно со семејството. Само така ќе имате повеќе мотивација за да истраете до посакуваната цел, доколку на пример, сакате да ја намалите тежината или едноставно сакате да го подобрите квалитетот на живеење. Правењето на здрави избори за храна бара разумно планирање, за да се избегнат спонтаните избори, кои што најчесто не се толку здрави. Американската асоцијација за срце – The American Heart Association го сугерира следново:
- Направете план за две до четири недели исполнет со здрава храна за целото семејство. Вклучете ги омилените поздрави оброци што семејството ги сака, а додадете и некои нови рецепти во ротација како што ќе налетувате на нив;
- Планирајте го менито за цела недела за време на викендите, користејќи долгорочна листа. Земете го менито со вас кога пазарувате;
- Доколку за време на работните денови сте презафатени, оброците гответе ги за време на викендите. Чувајте ги во ладилник или замрзнувач;
- Искористете го слободното време за да ги исечкате свежите зеленчуци. Чувајте ги во фрижидер како здрави закуски кои што ќе ви се при рака.
Друга позитивна страна на планирањето на оброците и искористувањето на остатоците е економичноста, затоа што на овој начин можете многу да заштедите. Како што објаснува Ел Пенер – Elle Penner, лиценциран диететичар и уредник за рубриките храна и нутриционистика на страницата MyFitnessPal, убавината во планирањето е што не постојат правила, затоа што вие ги одредувате правилата на играта. Потребно ќе ви биде потребно само малку време секоја недела за потоа цела недела да немате чувство на вина дека правите лоши избори за храна. Таа исто така е активен тркач и ентузијаст за храна. Таа советува:
- Одбирајте рецепти кои содржат слични или исти состојки. Тоа ќе го намали бројот на намирници што треба да ги купите;
- Внимавајте на нутритивните информации. Одбирајте рецепти кои ќе ви помогнат да ги задоволите вашите дневни потреби;
- Погледнете на информацијата за број на оброци. Имајте на ум колку порции можат да се направат од рецептот, особено доколку планирате за целото семејство.
Откако веќе знаете колку оброци треба да испланирате, одберете здрави рецепти и започнете да го пополнувате календарот или листата во тефтерот или пак во некоја апликација од мобилниот телефон. Без разлика дали користите едноставно тефтерче, табела испечатена на компјутер или пак, некаква дигитална варијанта, добра идеја е хартиена копија да имате секогаш на увид. „Правењето на вашиот план за оброци треба да е визуелен, за да може повеќе да ве мотивира да бидете поодговорни во реализацијата (готвењето). Плус, вашето семејство нема постојано да ве прашува: ’Што има за вечера?‘ Тие може едноставно сами да погледнат на таблата“ – истакнува Џес Денг – Jess Dang, професионалец во планирање оброци и основачот на страницата Cook Smart.
Имајте главна листа во која ќе има место за нови јадења
Готова листа на оброци е најлесниот начин за да се забрза процесот на планирање. Размислете да пробате еден или два нови рецепти и користете неколку познати и омилени за да ги пополните празнините во листата. Секој пат кога ќе пронајдете нов рецепт за оброк што ви се допаѓа, вметнете го во ротацијата. „Доброто планирање на оброци е како составување на сложувалка. Обидете се да избегнете одбирање на различни рецепти коишто не се вклопуваат заедно, во спротивно ќе мора да купувате многу различни состојки. Изберете една, погледнете ја листата на состојки и нека тоа ви помогне да одберете рецепт и така натаму“ – додава Џес. Наоѓањето на вкусни и здрави рецепти воопшто не е тешко, само треба да знаете каде да барате. Книгите со рецепти, списанијата, кулинарските емисии и портали за здравје како што е Pharmanews.mk, во соработка со Sitnoseckano, може да ви дадат многу нови идеи за здрави оброци што лесно се приготвуваат.
