Рецепт за вкусни солени пинерлии со мирис од детството
Пинерлија, за некого значи благо, колаче направено од гриз и младо несолено сирење а за некого е солено, лепче полнето со сирење. Овој рецепт е за солени пинерлии, многу се вкусни и меки и одлични за појадок со јогурт или кисело млеко.
- 1 кг брашно;
- коцка свеж квасец, 40 гр;
- 1 лажичка шеќер;
- 2 лажички сол;
- 500 мл млако млеко;
- 100 гр путер.
За филот:
- 400 гр урда;
- 2 јајца;
- малку сол (ако урдата не е солена).
Квасецот растворете го во пола шолја топло млеко заедно со шеќерот и една лажичка брашно и оставете го неколку минути. Брашното измешајте го со солта, млекото и квасецот, прво со дрвена лажица, а потоа измесете го тестото, со раце или со миксер за тесто, покријте го со крпа и оставете го да стои 15 минути.
За филот, измешајте ги урдата и јајцата и додадете сол ако треба.
Тестото исукајте го во правоаголник голем отприлика 40 x 50 cm и по целата површина рамномерно распоредете го филот. Исечете го тестото на 3 ленти по должина, од подолгата страна и секоја замотајте ја во долг ролат, а потоа секој ролат исечете го на парчиња од 6 -7 cm.
Во мало тенџерче растопете го путерот (можете да користите и маст), па секое парче потопете го во путерот до пола пред да го ставите во тавчето за печење. Ако ви остане од филот, разматете го со малку млеко и прелијте го преку пинерлиите наредени во тавчето. Печете ги пинерлиите во загреана рерна на 200°C, околу 30 – 40 минути, додека убаво не се заруменат.
* рецептите со во целост преземени од ситно сецкано
