Дали носите резервна гума околу вашиот стомак? Но верувајте вие не сте единствените: Последните студии објавени во журналот на Американското Медицинско Здружение (Journal of the American Medical Association) покажуваат дека 54 % од возрасните во САД имаат проблеми со дебелината, во однос на 46 % во 2000-та година. Ако спаѓате во оваа категорија (машките стомачни се сметаат за замастени ако обемот на струкот е поголем од 100 cm.), време e да размислите да намалите со конзумирање на следниве пет видови на храна:
1. Преработени зрна
Не знаете што представуваат преработените зрна?
Преработените (рафинираните) зрна се состојка која се наоѓа во храната, како бел ориз, бел леб и белите тестенини. Непреработените (нерафинираните) работи (зрно пченица, кафеав ориз и квиноја) генерално се секогаш поздрави.
Во неодамнешните истражувања спроведени во Државниот универзитет на Пенсилванија (Pennsylvania State University) откриле дека луѓето кои практикуваат здрава исхрана со конзумирање производи од непреработени зрна од житарици, вклучувајќи и овошје, зеленчук, ниско-маслени млечни производи и протеини изгубиле повеќе тежина околу стомакот, во споредба со луѓето кои го воделе истиот начин на здрава исхрана, но конзумирале производи од преработени зрна.
2. Производи од компир
Една студија објавена во „New England Journal of Medicine“ ги следела промените на тежина кај повеќе од 120.000 мажи и жени со просечна возраст од 20 години. На учесниците им била проверувана телесната тежина на секои четири години и во просек истата се покачувала за 1,5 килограми, односно околу 8 килограми до крајот на самата студија. Храната која има најголема корелација со зголемување на телесната тежина секако е чипсот и производите од компир.
3. Црвено и конзервирано месо
Истата 20-годишна студија покажала дека луѓето кои јаделе повеќе црвено и/или конзервирано месо ја покачиле својата телесна тежина за околу половина килограм на секои четири години. Во една друга студија објавена во американскиот журнал „American Journal of Clinical Nutrition“, во која истражувачите работеле со повеќе од 370.000 луѓе откриле дека луѓето кои секојдневно конзумирале еквивалент на „мала кременадла“ ја зголемиле својата телесна маса за 2,5 килограми во текот на пет години.
4. Шлаг, прелив & глазури
Оние колачиња кои на секоја прослава изгледаат толку примамливо? Да, баш тие, немојте да ги јадете.
Иако здравствените институции практично им објавувија војна на незаситените „транс“ масти – trans fats, шлаговите, преливите и глазурите купени во продавница сеуште содржат преголема доза од нив.
Колку лошо може да биде транс мастите? Истражувачите од универзитетот Вејк Форест (Wake Forest University) на две групи мајмуни им задале два различни начини на исхрана од кои едната содржела конзумирање на храна со незаситените „транс“ масти, додека другата конзумирање на храна со незаситени масти. Групата која конзумирала незаситени „транс“ масти ја зголемила својата телесна тежина за 7,2 % за шест години, а другите ја зголемиле телесната тежина за 1,8 %. Не само што транс масти ја зголемуваат телесната тежина, тие се одговорни за придвижување на мастите од други области во областа на стомакот.
5. Диетални газирани сокови
Лесно е да бидете изманипулирани со газираните соковите кој на својата етикета имаат „нула калории“! Но газирани пијалаци направени со замена за шеќер се сметаат дека играат голема улога во зголемување на телесната тежина. Една студија која е објавена неодамна покажува дека луѓето кои пиеле диетални сокови ја покачиле својата телесна маса три пати повеќе во изминатите девет години во пределот на стомачните мускули, за разлика од оние кои не ги конзумирале тие производи.
Оваа студија ги третирала луѓето со возраст од 65 години и повеќе, но треба да се земе во предвид и следново: Неодамнешните истражувања од Вазман Институтот за Наука (Weizmann Institute of Science) откриле дека глувците кои пиеле вода со вештачки засладувачи (сахарин, аспартам и сукралоза) станале подложни на инсулинска резистенција и нетолерантни на гликоза, две работи кои доведуваат до зголемување на телесната тежина.
