osteoporozata-e-samo-eden-od-tie-sluchai_image
Споделете со пријателите!

Колку е потребна редовната физичка активност?
Можеме безброј пати да повторуваме колку е важна физичката активност за целокупното здравје на напиот организам! Остеопорозата е само еден од тие случаи. Ајде прво да се навлеземе во природата на проблемот.

„Редовното вежбање го намалува ризикот од паѓање за околу 25%.“

Бидејќи коскената маса е составена од соли на калциум и калциумот се апсорбира од цревата преку витамин Д, јасно е дека ни треба сончање, но исто така ни требаат и здрави бубрези. За да може витаминот Д да остане во коските, потребни ни се хормони, естрогени кај жените и тестостерон кај мажите.

Под влијание на факторите, возраста, животните навики, полот, се зголемува веројатноста да добиеме остеопороза, односно состојба во која се јавува губење на коскената минерализација. Како последица на тоа, коските се значително покршливи. Самото латинско име за оваа болест значи „шуплива коска“. Поради ова, фрактурите односно скршениците знаат да бидат чест проблем.

За жал, поретко е случајот со превентивната рекреација, а се почеста кога веќе сакаме да се справиме со последиците од веќе дијагностицирана болест.

Кога велиме рекреација, прво помислуваме на пешачење, што има особено корисен ефект врз нашето здравје. Мислиме исто така и на јога и вежби за истегнување. Вие не треба да се присилувате премногу да ги оптоварувате зглобовите со класичен тренинг како аеробик или џогирање, како и премногу напорни, брзи движења.

Само да напоменеме кога станува збор за остеопороза и вежбање, и правилно избалансираната исхрана исто така може да се бори против остеопорозата; калциум, магнезиум, цинк, бакар, калиум, фосфор, гледајте храната што секојдневно ја внесувате да биде богата со овие минерали.

Прочитајте:  Пробиотици - спречување на есенски инфективни заболувања на природен начин

Дали вежбањето може да ги направи моите коски посилни?

Да. Многу студии покажале дека луѓето кои се физички активни имаат поголема густина на коскена маса (BMD) односно посилни коски од оние кои се неактивни!

Дали вежбањето рано во животот може да помогне во спречување на остеопороза кога некое лице е постаро?

Остеопорозата може да се спречи. Коска е живо ткиво кое постојано се заменува. Вежбање, пол, наследност, раса, диета и нивото на хормони, сите играат улога во одржување на здравите коски во текот на животот.

Дали вежбањето може да му помогне на некој кој веќе има остеопороза?

Поради слабите коски, луѓето со остеопороза се изложени на ризик да се здобијат со сериозни повреди кога ќе паднат. Падовите го зголемуваат ризикот од кршење на колк, ‘рбетот и другите делови од телото.

Редовното вежбање може да го намали ризикот од паѓање за околу 25% и да ја намали инциденцата на фрактури на колкот дури за 50%! Кај лицата со остеопороза, главните цели на физичката активност треба да бидат да се спречи паѓањето, со подобрување на општата здравствена состојба, рамнотежата, да се зголеми јачината на мускулите, како и постуралната стабилност.

Какви резултати можам да очекувам од вежбањето?

Придобивките вклучуваат:

  • Градење поголема густина на коските или запирање на понатамошно губење на коските;
  • Поголема јачина на мускулите и поголема координација;
  • Намалување на срцевите заболувања и ризикот од дијабетес;
  • Севкупно чувство на благосостојба.

Рекреацијата и здравјето секогаш одат заедно. Вежбај безбедно со остеопороза!


Споделете со пријателите!