zoshto-e-dobro-na-decata-da-im-davate-omega-3-2_image
Споделете со пријателите!

Омега 3 масните киселини што се наоѓаат во рибиното масло се исклучително важни за оптимално функционирање на мозокот
Омега 3 масните киселини се од големо значење за општото здравје на детето. Тие се меѓу најважните добри масти кои нашето тело ги бара, но не може да ги произведе самостојно и затоа мора да бидат дел од исхраната, но сé почесто и како додаток на исхраната. Сите како родители се трудиме децата да ни јадат здрава и избалансирана храна, но за жал не сите дечиња кои сеуште растат јадат разновидни намирници. Особено мака се мачи кога е во прашање рибата и нејзината редовна консумација.

„Омега 3 се од суштинско значење за подобрување на когнитивно и бихејвиорално функционирање кај децата“

Омега 3 масните киселини се есенцијални масни киселини, што значи дека тие не можат да бидат синтетизирани од нашето тело. Постојат три типа, вклучувајќи еикозапентаеноична киселина (ЕПА) и докосахексаеноична киселина (ДХА) познати како полинезаситени масни киселини (PUFAs), кои се од суштинско значење за нормален раст и метаболизам кај децата. ДХА и EПA во голема мера се наоѓаат во морските масла, како што се рибините масла од крил, скуша, туна и неколку други видови морска храна.

Редовното консумирање на овие материи е неопходно за да се осигура дека вашето тело добива точна количина омега 3 масти. Недостатокот на овие масти во телото може да резултира со лош имунолошки систем, влошено здравје на кожата и ранливост на различни здравствени проблеми, вклучувајќи и воспаление. Омега 3 се од суштинско значење при развојот на деца за подобрување на нивното когнитивно и бихејвиорално функционирање.

Знаеме дека омега 3 масните киселини што се наоѓаат во рибиното масло се исклучително важни за оптимално функционирање на мозокот. Нова студија на научници од Универзитетот во Пенсилванија ја потврдува старата вистина дека рибиното масло е особено корисно за децата.

Има бројни студии кои категорично докажуваат дека недостатокот на омега 3 ја нарушува функцијата на мозокот и ја отежнува состојбата кај дечињата со дефицит на внимание. Оптималниот внес на EПA и ДХА ги намалува проблемите во однесувањето и го подобрува капацитетот на мозокот.

Зошто ЕПА и ДХА се толку важни за активноста на мозокот?

Овие масни киселини се вклучени во составот на мембраните на нервните клетки. Затоа недостатокот на омега 3 масните киселини во клеточните мембрани ги нарушува нормалните функции на мозочните клетки.

Истражувањата покажуваат дека EПA и ДХА во мозочните клеточни мембрани директно влијаат на синтезата на невротрансмитерите, преносот на сигналот и активноста на некои клучни ензими. Овие две есенцијални масни киселини во детскиот организам можат да се внесат во неопходната количина со два оброка во неделата кои вклучуваат масна риба како што е лососот, или пак со една пастила дневно од ВИТОСИ додатокот на исхрана. ВИТОСИ се вкусни меки пастили кои не остааваат непријатен вкус н риба во устата на детето. Вкусот на портокал ги прави омилени, а комбинацијата со витаминот Д3 неопходни за дечињата во раст и развој, како заради формирањето на мускулната маса така и заради формирањето на мозочната маса. Овие витамини се направени за да ги задоволат потребите и вкусот на дечињата над 3 годишна возраст.

Прочитајте:  Зошто се чувствувате уморни после јадење?

Студијата на Универзитетот во Пенсилванија вклучува 200 деца на возраст меѓу 8 и 16 години поделени во две групи. Една група деца добивала плацебо, а другата овошен пијалак кој содржи омега 3. Третманот траел околу половина година, а на крајот на периодот било откриено дека состојбата на малите учесници од групата која консумирала омега 3 значително
се подобрила. Истражувачите откриле дека состојбите на агресија, хиперактивност и депресија биле значително намалени.

Ефектот на омега 3 траел и 6 месеци по внесувањето, што било забележано и од страна на родителите на децата.

Ова истражување покажало дека недостатокот на омега 3 и ДХА во мозокот може да предизвика проблеми со размислувањето, учењето, когнитивното однесување и да придонесе за нарушување на дефицитот на вниманието и депресијата. Земањето на додатоци од рибино масло покажува подобрување за сите горенаведени состојби.

Децата со АДХД обично имаат ниски нивоа на омега 3 масни киселини. Децата со АДХД, на кои им биле давани омега 3 додатоци во исхраната, покажале умерено подобрување на симптомите, вклучувајќи проблеми во обработката на емоциите и дружењето.

Некои од придобивките од редовното консумирање на Омега-3 масните киселини

  • Омега 3 го поддржуваат детскиот когнитивен развој. Децата кои се хранат со храна богата со омега 3 покажуваат подобра координација на рацете, социјални вештини и зголемена концентрација.
  • Омега 3 масните киселини се од суштинско значење за подобар вид и функција на очите.
  • Омега 3 во крвта ја зголемува способноста на детето да учи и да се однесува подобро. Го подобрува читањето и меморијата.

Потребни количини на Омега 3

„Многу луѓе забележале подобрувања побрзо од вообичаенота, па дури и за неколку недели.“

Недоволната застапеност на омега 3 може да го направат детето подложно на одредени воспалителни состојби или да влијае на неговото когнитивно функционирање. Прекумерното количество омега 3 може да влијае на способноста на телото да се бори против бактериите и другите микробиолошки патогени. Вистинското количество омега 3 за деца, како што е препорачано од експертите, е 0.5 гр дневно за дечиња до 12 месеци, 0.7 гр дневно за дечиња од 1 до 3 години, 0.9 гр дневно од 4 до 8 години, 1.2 гр дневно од 9 до 13 години и 1.6 гр дневно од 14 до 18 год.

Вообичаено е потребно повеќе месеци на зголемен внес на омега 3 за да се постигнат целосните придобивки. Многу луѓе забележуваат подобрувања побрзо од тоа, некои во рок од неколку недели. Освен придобивките од омега 3 за подобрување на менталното здравје, постојат и бројни придобивки за физичкото здравје. Зголемувањето на дозата на омега 3 преку храна и додатоци е одличен начин за подобрување на здравјето на целото семејство.

М-р Фарм. Христина Литовин

PharmaS_Vitosi_baner_700x90


Споделете со пријателите!