Време е за враќање во форма! Летото полека ни заминува, па со завршувањето на сите летни активности кои ни го одвлекуваа вниманието време е во фокус да се стави градењето на здрави животни навики. Затоа, со нетрпение го очекуваме викендот 23-25 септември!
HFW Expo – Единствениот настан каде ќе имаме прилика на едно место да се информираме за најквалитетните и најновите содржини поврзани со фитнесот, здравјето и здравата храна, негата и грижата за телото и духот. Само еден викенд секоја година, не ја пропуштајте единствената прилика да се информирате за СИТЕ најнови програми за вежбање, да дегустирате и припремате вкусна, здрава и органска храна, да испробате голем број на спортски и фитнес активности, но и разни третмани и масажи, да добиете совети за подобро здравје од врвни специјалисти и притоа – максимално да се забавувате.
Денес, ексклузивно ги објавуваме сите (над 50) учесници од областа на здравјето, фитнесот и велнесот кои на посетителите ќе им понудат разни промоции, дегустации, наградни игри и многу други изненадувања. Можете да ги погледнете на овој линк.
Не пропуштајте да се приклучите на богатата интерактивна и едукативна програма со преку 30 работилници, тренинзи, настапи и предавања. Програмата погледнете ја овде.
Здравиот животен стил не познава граници! Овој настан е создаден за сите, од најмладите до највозрасните посетители, без разлика дали професионалци или рекреативци и ентузијасти, буквално за секој кој се води по мотото „во здраво тело – здрав дух“ и се грижи за своето здравје и благосостојба.
Супер новост и за сите родители – дојдете со вашите најмили бидејќи настанот ветува забава за целото семејство! На настанот ќе има и специјално осмислен Kids Corner, со интересни работилници со стручни и професионални тимови, кои ќе имаат за цел преку игра и забава да ги едуцираат дечињата за важноста на стекнувањето здрави навики од најрана возраст.
Ексклузивно само на отворањето на Health, Fitness & Wellness Expo (23.09.2016 во 17:30ч) ќе настапи трократниот првак во Slackline од Шпанија – Карлос Мерајо Гарсија. Slackline е веќе добро развиена дисциплина ширум светот, во која постојат натпревари и спортисти кои професионално се занимаваат со неа, а во чекор со светските трендови, кај нас за прв пат ни јас овозможува Sport Inn центарот, односно Gibbon Slacklines Macedonia.
Ве покануваме сите на големото отворање на 23.09. во 17:30 во Хотел Александар Палас, да го проследиме заедно фантастичниот настап на Карлос.
