Новогодишни чоколадни бискоти

Уживајте во претстојните празници со вкусни чоколадни задоволства

Бидејќи чоколадото го подобрува расположението, а доброто расположение е клучно за убави празнични денови, ви предлагаме да направите еден вкусен рецепт со темно чоколадо, какао, бадеми. Празниците може да започнат! 

Прво измешајте ги брашното, какаото и содата. Во друга вангла изматете ги рачно јајцата со шеќерот и ванилата, во два-три наврати истурете го брашното во јајцата и промешајте. Ако е тестото суво, додајте течност може 2-3 лажици кефир, а може тоа да биде и вода, млеко, сок од портокал, јогурт…

Со лажица измешајте ги бадемите и парченцата чоколадо во тестото, поделете го тестото на два дела и од секој направете тенка векна, долга колку најголемото тавче од рерната. Ставете ги врз хартија за печење, посипете ги со по една лажица шеќер и печете ги во рерна загреана на 175°C околу 20 – 25 минути, или додека површината не се распука и не се полустврднати. Векните ќе нараснат при печењето и ќе се рашират, па оставете простор помеѓу нив.

Оставете ги векните да се оладат петнаесетина минути, па со запчест нож за леб исечете ги накосо на кришки дебели околу 1 cm. Легнете ги кришките во тавчето, врз хартијата за печење и повторно ставете ги да се печат уште 20 – 30 минути, додека не се стврднат. Доколку рерната повеќе загрева во долниот дел, ќе се испечат за помалку од 20 минути. Кога ќе се оладат, спакувајте ги во тегли и подарете ги некому кој ќе ужива со нив во топло чоколадо или чај.

* рецептите со во целост преземени од ситно сецкано