nokjno-mokrenje-kaj-decata_image
Споделете со пријателите!

Мокрењето во текот на ноќта е чест проблем кај децата, особено кај оние под 6 години
Ноќно мокрење се појавува кај децата кои се доволно стари за да го контролираат својот мочен меур мократ во текот на спиењето. Мокрењето во текот на ноќта е чест проблем кај децата, особено кај оние под 6 години.

Зошто некои деца мократ додека спијат?

„Немојте да му викате на детето кога ќе се разбуди во мокра постелнина, напротив кажете му да не се грижи“

Докторите не знаат што поточно го предизвикува ноќното мокрење или зошто истото престанува по одреден период. Но тоа е често природен дел од развојот на децата коишто вообичаено по некоја година го надраснуваат. Тоа најчесто се случува кај помалите деца, но може да трае и во тинејџерските години. Во повеќето случаи ноќното мокрење не е знак за било какви други подлабоки здравствени или емоционални проблеми.

Ноќното мокрење честопати е поврзано со историјата во семејството. Оттука, доколку едниот или двајцата родители се соочувале со овој проблем кога биле деца, многу веројатно е да се појави и кај нивното дете.

Како да се справите со ноќното мокрење?

Мокрењето во текот на ноќта е проблем со кој милиони семејства се соочуваат секоја вечер. Овој проблем може да биде многу стресен за децата бидејќи честопати тие се чувствуваат засрамени и виновни за мокрењето во текот на спиењето и оттука се исплашени и загрижени доколку треба да ја поминат ноќта во куќата на некој другар. Родителите често се чувствуваат беспомошни кога станува збор справување со овој проблем.

Прочитајте:  Омега 3 масни киселини и вит Д - идеална комбинација за нормален развој и имунитет кај децата

Следете ги следниве совети за да му помогнете на вашето дете кое се соочува со овој проблем:

  • објаснете му дека тоа е само нормален дел од растењето и дека ќе помине со текот на времето;
  • доколку вие сте се соочувале со истиот проблем раскажете му го вашето искуство и пребродување на проблемот;
  • охрабрете го да пие повеќе течности во текот на денот, а помалку навечер пред спиење;
  • кажете му да избегнува газирани сокови и сите пијалоци што содржат кофеин;
  • потсетете го да оди во тоалет пред да си легне;
  • немојте да создавате паника и да му викате на детето кога ќе се разбуди во мокра постелнина, напротив кажете му да не се грижи.

Кога да побарате помош од доктор?

Ноќно мокрење кое настанува одеднаш или се манифестира и со други симптоми може да биде знак на некоја друга здравствена состојба. Некои симптоми што би можеле да бидат знак дека вашето дете се соочува со некој друг здравствен проблем се следните:

  • ненадејно ноќно мокрење после долг период;
  • мокрење во текот на денот;
  • ‘рчење во текот на ноќта;
  • болки при мокрење;
  • многу често мокрење;
  • ноќно мокрење и по 7-та година.

Доколку забележите некој од погоре наведените симптоми се препорачува да се консултирате со вашиот доктор.


Споделете со пријателите!