ne-stavajte-tetovazha-ako-ne-ste-sigurni-deka-vashiot-imunoloshki-sistem-ne-e-narushen_image
Споделете со пријателите!

Ставањето на тетоважа може да доведе до неочекувани компликации ако вашиот имунолошки не функционира правилно-предупредуваат лекарите во списанието BMJ Case Reports
Добивањето на тетоважа може да има некои неочекувани компликации ако вашиот имунолошки систем не функционира правилно, предупредуваат докторите во списанието BMJ Case Reports.

Предупредувањето доаѓа откако тие се соочиле со случај каде третирале жена со хронична болка во левиот колк, коленото и бутот неколку месеци откако била истетовирана.

Таа земала лекови за да го потисне својот имунолошки систем неколку години по добивањето на трансплантација на бели дробови во 2009 година. Нејзината десна нога била истетовирана неколку години пред тоа, без никакви несакани ефекти, и одлучила да стави друга на левата нога во предел на бутот.

„Луѓето со компромитиран имунолошки систем треба да бидат свесни за потенцијалните ризици поврзани со овој вид декоративна уметност на телото!“

Веднаш после ставање на татоважата, таа добила блага иритација на кожата, што не е невообичаено, објаснуваат авторите. Но, 9 дена подоцна, таа добила и болка во левото колено и бедро. Нејзините симптоми биле толку тешки што ѝ требале силни лекови против болки. Иако симптомите се намалиле, тие и понатаму го попречиле нејзиното секојдневно и нормално функционирање 10 месеци подоцна. Затоа, таа била упатена во клиника за ревматологија, каде што била тестирана за различни состојби, чии резултати биле негативни. Направена била биопсија на нејзиниот мускул на бедрата, при што се открива дека има воспалителна миопатија – хронично воспаление на мускулите. Ова е често придружено со мускулна слабост и болка.

Во многу случаи, причината за оваа болест е непозната, и може да се појави спонтано. Но, во овој случај, лекарите веруваат дека тоа е веројатно поврзано со самиот процес на тетовирање, чии ефекти може да се соединат со компромитиран имунолошки систем.

Прочитајте:  Како да се справите со стресот на работното место

„Иако лекарите кои го објавиле случајот викаат дека нема докази за докажување на предизвикувачкиот ефект, времето на почеток и локацијата на симптомите добро се поклопува со апликацијата за тетовирање, при што немало други препознатливи фактори за да предизвикаат таква патологија“.

Жената добила физиотерапија за да ги зајакне мускулите, а една година после почетокот на нејзините симптоми почнала да се подобрува. И по три години, не чувствувала болка.

На кој начин процесот на тетовирање може да придонесе за појава на миопатија не е јасен. Но, добро е познато дека типот на мастило или боја што се користи во тетоважите може да предизвика реакција, велат авторите, кои посочуваат дека тетовирањето е поврзано со различни компликации кои се движат од блага иритација на кожата до системска инфекција.

„Индустријата за тетовирање нема регулирано професионално тело за подобрување на стандардите во Велика Британија“, истакнуваат авторите. „Во конкретниот случај, апликацијата на тетоважа од нерегулиран салон, во комбинација со имунолошката супресија на пациентот, довеле до несакана реакција“, сугерираат.

Според тимот на лекари кои го истакнале овој случај пациентите со компромитиран имунолошки систем треба да бидат свесни за потенцијалните ризици поврзани со овој вид декоративна уметност на телото.


Споделете со пријателите!