bracniot-status-vlijae-na-post-operativnoto-zdravje-na-srceto_image1
Споделете со пријателите!

Нова научна студија спроведена од страна на истражувачите од Медицинскиот факултет Perelman School of Medicine при Универзитетот во Пенсилванија откри дека фактот дали сте во брак или не, влијае на подобри функционални резултати по операција на срцето
Пациентите кои се разведени, живеат одделно, или пак се вдовци имале отприлика за 40 проценти поголема веројатност од смрт или развој на нова функционална попреченост во првите две години по операција на срце, во споредба со пациентите во брак, истакнува истражувањето од пенсилванските научници, објавено во JAMA Surgery

„Додека беше воспоставено дека шансите за преживување по сериозна операција можат да се поголеми помеѓу оженетите и омажените, во споредба со лицата кои не се во брак, не е познато како бракот соработува со реалните постоперативни функции“,

рече Марк Њуман – Mark Neuman, еден од коавторите на студијата, професор асистент по Анестезиологија и критична нега, како и Виш научен соработник во Институтот Леонард Дејвис – Leonard Davis Institute за здравствена економија при Школата за медицина Perelman од Универзитетот во Пенсилванија. „Разбирањето на ова може да биде корисно при идентификувањето на пациентите кои можеби ќе имаат потреба од додатна поддршка и таргетирани интервенции во насока на подобрувањето на функционалното закрепнување“ – додава тој.

bracniot-status-vlijae-na-post-operativnoto-zdravje-na-srceto_image2Њуман и коавторот Рејчел Вернер – Rachel Werner која е вонреден професор по Општа интерна медицина и исто така Виш научен соработник при Институтот Леонард Дејвис за здравствена економија, употреби подмножество на податоци од студијата за здравје и пензионирање од Универзитетот во Мичиген. Споменатата база на податоци се состои од 29,053 возрасни личности на возраст од 50 години и постари и започнувајќи од 1998, секој од тие испитаници е интервјуиран на секои две години за нивното здравје, функционалност, медицинска нега и семејна структура.

За студијата како брачниот статус влијае на постоперативното здравје на срцето, тимот анализираше податоци од интервјуата од 2004, 2006, 2008 и 2010 година. Исто така, вклучени биле 1,576 случаи што покажаа спроведена кардиохирургија во интервал по претходните интервјуа, но и починати учесници кои исто така имале операција на срце по последното интервју.

„Споредено со оние во брак, коефициентот на смртност или појава на нова попреченост за време на првите две години по операцијата на срце, бил за 40% поголем помеѓу самците“

Тие ги собраа демографските податоци вклучувајќи го и брачниот статус, возраста, полот, постоечката историја на болести и болести при интервјуирањето, и за време на последното интервју пред операцијата. Научниците откриле дека за време на последното интервју, 65% биле венчани, 12% биле разведени или живееле одделно во сепарација, 21% биле вдовци и 2% никогаш не биле во брак. За време на постоперативното интервју, 19% од учесниците во брак, 29% од разведените и сепарираните испитаници, 39% од вдовците и 20% од оние кои никогаш не биле во брак – умреле или кај нив се појавило ново заболување.

Прочитајте:  Што всушност содржат цигарите?

Споредено со испитаниците кои биле венчани, коефициентот на смртност или појава на нова функционална попреченост за време на првите две години по операцијата на срце бил за 40% поголем помеѓу оние кои биле разведени, сепарирани или вдовци, откриваат научниците. Њуман и Вернер претпоставуваат дека ова може да е поврзано со социјалната помош што често влијае на изборот на болница, но и нивната грижа за самите себе.

Овие податоци само се надоврзуваат на претходните истражувања што сугерираат дека постоперативното преживување кај луѓето во брак е поголемо. Сепак научниците сметаат дека потребни се додатни истражувања за да се разберат и дефинираат механизмите што го поврзуваат брачниот статус и постоперативните исходи.


Споделете со пријателите!