Косата е одличен маркер на здравјето и многу често ги покажува првите знаци на медицинските нарушувања
Секојдневно следете ја состојбата на косата и скалпот и секој пат кога ќе забележите некоја од следниве промени, консултирајте се со вашиот лекар.Прерано белеење на косата
Седата коса е нормална појава што го придружува стареењето. Сепак, седата коса во дваесеттите години најчесто е резултат на она што го имаме запишано во гените. Но, стресот, нутритивните и хормоналните фактори исто така влијаат врз бојата на косата. „Стресот го троши витаминот Б од телото, што има ефект врз косата“ – изјавува трихологот Сара Г Алисон – Sara G Allison од клиниката Hair Today, More Tomorrow од Harley Street. Постојат ретки случаи каде што одредени болести, како дијабетесот или проблемите со тироидната жлезда, исто така можат да резултираат со прерано белеење на косата. Експертите советуваат да се консумира повеќе витамин Б доколку сте изложени на стрес, а исто така пожелно е да избегнувате цигари и алкохол.
„Генерално кажано, појавата на сива коса е прерана само тогаш кога ќе ја забележите на многу помлада возраст во споредба со останатите членови од вашето семејство“ – истакнува Сара.
Пократки слоеви
Дали сте забележале дека имате пократки слоеви на врвот предизвикани од кршењето на новите влакна? Доколку тоа ви се случува најверојатно немате доволно протеини во вашата секојдневна диета. Во ваков случај, на косата и телото им треба сериозна регенерација. Затоа, јадете квалитетно, избегнувајте ја прекумерната обработка на храната и користете заштита од топлина пред стилизирањето на косата. „Ова ја слабее косата и ја прави помалку отпорна на топлина и хемикалии“ – објаснува експертката Сара.
Нутриционистички совет кога имате ваков проблем е да консумирате порција на протеини со големина на дланка во секој оброк. Зашеќерената храна може да влијае врз апсорпцијата на протеини, затоа одбегнувајте благо.
Проќелавени места
Косата може да се искубе доколку пресилно ја затегнувате. На овој начин фоликулите трајно се оштетуваат. „Оваа појава е вообичаен проблем најчесто кај жените од Афро-Карибските области“ – вели д-р Асим Шејмалек – Asim Shahmalak од клиниката Crown Clinic во Манчестер.
„Причините вклучуваат носење на косата во стегнато коњско опавче, плетенки, суканици, прамени и перики што се закачуваат со лепак, па дури и неправилното носење турбан. И ова не ги засега само жените. Калум Бест – Calum Best еден мој пациент со трансплантирана коса, трајно ја оштетил својата коса со тоа што ја носел престегната кон назад во своите рани 20-ти“ – додава тој. Доколку првите симптоми од механичкото проќелавување ги забележите на време и ги спречите причините, косата би требало самостојно да се регенерира.
Проретчена коса
Изретчувањето на косата е најчесто кај жените со синдром на полицистични јајцини. „Кај жените со полицистични јајници може да се појават влакна на лицето, нови влакна на рацете, градите и задникот, а исто така и да изгубат коса на скалпот“ – вели Шејмалек. Придржувањето кон соодветна диета може да го реши овој проблем.