Меѓународен ден на пивото

За Светски ден на пивото најпрво бил одреден 5-ти август

Пивото е пијалак кој можеби најмногу се консумира во светот. Познати се и неговите позитивни здравствени придобивки, секако, доколку се консумира одговорно. Ваков познат пијалак заслужено има и свој интернационален ден  кој се прославува насекаде. Еве неколку факти поврзани со Светскиот ден на пивото како и неколку интересни факти за пивото.

• Меѓународниот ден на пивото постои од 2007-ма година и се одбележува секој прв петок од август. Првично, овој празник требало да се прославува на 5-ти август, но бидејќи не може секоја година да биде во петок, се одлучиле тоа да биде секој прв петок од месец август.
• Месец август е избран заради топлото време идеално за ладно пиво како и заради растојанието од пивските фестивали.
• Се слави глобално во повеќе од 200 градови.

Интересни факти за пивото

• Да не беше пивото, пирамидите најверојатно немаше да постојат. Податоците истакнуваат дека на работниците на египетските пирамиди им плаќале исклучиво во пиво, и тоа по 4 литри на ден;
• Жените први започнале да прават пиво во античко време. Месопотамците и Сумеро-Вавилонците сметале дека пивото е дар од божиците;
• Кралицата Елизабета I пиела пиво за појадок;
• Четири недели е најдолгиот познат мамурлак откако Шкотланѓанец испил над 30 литри пиво;
• Првиот официјален случај на допинг на Олимпијада е заради неколку пива;
• Во светот постојат околу 400 вида на пиво.

На нивната официјална страница ја пишува целта на овој светски ден. Целта е да се соберете со пријателите и да уживате во добро пиво, да наздравите во чест на оние што посветено го прават пивото. Целта на овој ден е да ги зближи различните нации и култури славејќи ги сите пива што се прават ширум светот.

На здравје и консумирајте одговорно!