Многу од овие бактерии, слично на сите родови од фамилијата, се карактеризираат со нивната способност да продуцираат млечна киселина, како нус продукт од метаболизмот на глукоза
Млечно-киселинските бактерии опфаќаат широк спектар на родови и вклучуваат значаен број на видови. Lactobacillus е еден од најважните родови на млечно-киселинските бактерии. Овие бактерии се дел од нормалната флора на гастроинтестиналниот (најмногу во тенките црева) и урогениталниот тракт. Lactobacillus е, исти така, присутен во ферментираната храна како јогурт, како и во многу пробиотски суплементи.
Многу од овие бактерии, слично на сите родови од фамилијата, се карактеризираат со нивната способност да продуцираат млечна киселина, како нус продукт од метаболизмот на глукоза.
Млечната киселина е важна поради тоа што создава средина којашто е непогодна за развојот на патогените. Количината на млечна киселина продуцирана од различни Lactobacillus бактерии варира. Во некои видови вклучувајќи ги L. acidophilus, L. casei, и L. Plantarum метаболизмот на глукоза е опишан како хомоферментирачки,така што млечната киселина е примарен нус продукт, застапена со осумдесет и пет проценти. Кај другите видови како L. Brevisand и L. Fermentum метаболизмот на глукоза е хетероферментирачки, па млечната киселина е застапена со педесет проценти, а другиот дел отпаѓа на етанол, оцетна киселина и јаглерод диоксид. Можна е примената на Lactobacilus кај дијареа кај деца предизвикана од антибиотици, превенција на дијареа кај возрасни, како и дијареа предизвикана од Clostridium difficile. Грчевите кај бебиња е една од состојбите при којашто овие бактерии можат да помогнат. Овие бактерии се ефикасни и кај третман и превенција на атопичен дерматитис кај деца и бебиња кои се алергични на кравјо млеко.
Некои истражувања покажуваат дека одредени видови на Lactobacilus можат да ги подобрат симптомите на синдром на иритабилни црева како надуеност и болки во стомакот. Постоојат истражувања кои покажуваат дека комбинација на Lactobacillus, bifidobacteria и streptococcus може да ги намали симптомите кај улцеративен колитис. Има докази дека континуирана употреба на оваа специфична комбинација им помогнала на многу пациенти. Третирање на вагинални и пулмонални инфекции се состојби кадешто Lactobacilus бактериите можат да помогнат.
Д-р Сашо Маџовски
