kokosovoto-maslo-moze-da-go-spreci-kariesot_image
Споделете со пријателите!

Маслото од кокос ги напаѓа бактериите кај забите со кариес и според научните истражувања поради оваа особина може да се употребува во производите за дентална нега
Научниците открија дека кокосовото масло збогатено со ензими, успешно го стопирало развојот на бактеријата стрептокока, главната причина за појава на кариес. Истражувачкиот тим од Институтот за технологија Athlone од Ирска го тестираше влијанието на кокосовото масло, зеленчуковото масло и маслиновото масло во нивната природна форма, но и нивното дејство откако биле збогатени со ензими. Процесот на третирањето на маслата со ензими е сличен на процесот на варењето на храната. Потоа, маслата биле тестирани против бактеријата стрептокока, која е најчест жител во устата.

Само модифицираното масло со ензими, покажало својство да го сопре растот на повеќе видови бактерии. Ваквото масло успешно ја нападнало бактеријата Streptococcus mutans – бактерија што произведува киселина и е главна причина за појавата на кариес.

Се смета дека меѓусебната реакција на кокосовото масло и ензимите, го претвора маслото во киселини кои се активни и ефикасно ги уништуваат бактериите. Поранешните истражувања открија дека млекото модифицирано со ензими, било во состојба да ја спречи истата бактерија од сврзување со забната глеѓ.

kokosovoto-maslo-moze-da-go-spreci-kariesot_image1

„Кокосовото масло како алтернатива за хемиските адитиви“

Истражувачите разгледуваат на кој начин кокосовото масло реагира со стрептококата на молекуларно ниво и кои други видови на опасни бактерии може да ги инхибира. Д-р Дејмиен Брејди – Damien Brady кој го водеше ова истражување заедно со студентката од постдипломски студии Патриша Хјуз, истакнаа дека кокосовото масло може да биде атрактивна алтернатива за хемиските адитиви.

Прочитајте:  Скршеното срце навистина боли [ВИДЕО]

„Тоа функционира и на релативно ниски концентрации. Исто така, поради порастот на антибиотската отпорност, важно е да го свртиме вниманието кон новите начини за уништување на микробни инфекции“ – објаснува д-р Брејди.


Споделете со пријателите!