Nekoi-se-plasat-od-visina-nekoi
Споделете со пријателите!

Хороскоп за 16та недела: Дознајте какво ќе биде вашето здравје наредната недела, за да знаете што точно да игнорирате и да продолжите со старите навики надевајќи се на најдоброто.

Овен

За подобро здравје, еден залак треба да се џвака околу 30 пати. Ова ќе го сфатите како предизвик и ќе го изедете ручекот во 3 залаци, без џвакање. Исто така, неделава ќе примените нова диета – ќе јадете сè што можете и ќе се надевате на чудо. 

 

Бик

Побрзајте каснете си нешто, бидејќи калориите не се бројат во викенд. На крајот од неделата, ќе бидете горди на вашата упорност и издржливост, бидејќи еднонеделната диета ќе ја завршите за само три часа. Навистина ефективно. 

 

Близнаци

Знаете дека едно јаболко значи подалеку од лекари, па затоа неделава ќе се трудите секогаш да имате јаболко во раката, за во случај ако ви дојде лекар додека ја јадете пицата, да можете да го избркате со тоа што ќе го фрлите јаболкото кон него.  

 

Рак

Вие секогаш го слушате срцето пред разумот. Неделава вашето срце сè почесто ќе ве носи до фрижидерот. Кај некои, љубовта доаѓа преку стомакот, а кај вас, љубовта останува во стомакот.

 

Лав

Вашето сфаќање за балансирана исхрана подразбира додавање маслинка во вашето мартини, лимон со вашата текила и свежи јагоди на тортата.

 

Девица

Оваа недела ќе бидете темелни, како и секогаш. Бидејќи започнувате со здрава исхрана, неколку дена ќе поминете во јадење на брза храна со цел да се ослободите што побрзо од сите искушенија кога ќе водите здрав живот.

 

Вага

Сметате дека сте во форма, бидејќи сè на светов има форма. А каква форма, тоа е веќе друго прашање. Можеби немате извајано тело, но вие не сте скулптура, туку човек со многу прекрасни недостатоци со кои се гордеете.

 

Шкорпија

Оние што викаат дека смеењето најдобро расположува, не пробале од вашите чоколадни мафини. И нема ни да пробаат, бидејќи вие не делите со никого.

 

Стрелец

Откако сте на диета, цело време мислите на храна. Вашата диета има повеќе „cheat days“ отколку што самата трае, па затоа нема да можете марула со очи да погледнете од преголема грижа на совест. Според дневниот внес на калории, пресметавте дека треба да живеете во сала за вежбање.

 

Јарец

Од животот кој се состои од супа за ручек и јаболко за десерт, може да бидете задоволни само вие. На овој начин се живее многу долго и досадно, што значи дека оние околу вас, ќе се намачат да ве избегнуваат толку долго време.

 

Водолија

Мудроста е ваша препознатлива карактерна одлика. Вие се храните здраво и тоа исклучиво на салати. Се водите според правилата изведени од вакви заклучоци: Чоколадото се прави од какао, какаото е дрво, односно растение, значи чоколадото е салата.

 

Риби

На вашата желба за диета, постојано ќе и се спротивставува вашиот апетит, кој се разбуди од зимски сон. Добро, никогаш не ни бил во сон, туку вешто скриен под ќебе. Време е за вистината, таа ќе ве ослободи. Особено ќе ве ослободи од пантолони бидејќи ништо нема да ве собира освен тренерките. 

Прочитајте:  Зошто некои луѓе се зависници од адреналин?

Споделете со пријателите!