Изненадувачки нови податоци откриваат дека најдобриот секс во животот допрва доаѓа
„Кога луѓето го имаат најдобриот секс во животот?“, е едно од прашањата на новото истражување спроведено од онлајн платформата Happify. Оваа студија, уживањето во сексуалните односи го поврзува со возраста, а исто така го испитува и квалитетот на сексот во брак, со цел да ги преиспита верувањата дека најдобрите сексуални искуства се во младоста и надвор од бракот.
Испитаниците, кои биле на возраст над 50 години, се изјасниле дека најдобриот секс се доживува после 40 тата година од животот, конкретно на возраст од 46 години.
Останатите податоци од ова истражување, откриваат други интересни податоци, како на пример податокот дека најсреќни се оние парови кои што во просек имаат секс еднаш неделно. Исто така, еден типичен Американец, има сексуални односи два до три пати месечно, додека средовечните парови кои имаат редовни сексуални односи се посреќни од оние кои немаат. Скоро 50 проценти од паровите, изјавиле дека најдобриот секс во нивниот живот им бил со актуелниот партнер, без оглед на возраста.
Во корист на ова истражување, ќе споменеме уште едно ново истражување спроведено од „Тројан“, според чии резултати, се потврдува дека сексуалниот потенцијал се достигнува во позрело доба. Околу 65 проценти од испитаните средовечни парови, изјавиле дека се многу задоволни од својот сексуален живот. Исто така, 63 проценти од нив, изјавиле дека се поотворени да пробаат нови работи во сексот, отколку што биле пред една декада.
Оној податок од истражувањето кој не изненадува, е дека добриот секс се должи на добрата комуникација помеѓу партнерите.
