adhd-kaj-decata-na-uchilishna-vozrast_image
Споделете со пријателите!

АДХД може предизвика детето да не може да функционира нормално на социјално и едукативно поле
АДХД е нарушување на однесувањето со кое се соочуваат околу 10% од децата на училишна возраст. Кај момчињата на училишна возраст шансата за појава на ова нарушување е три пати поголема отколку кај девојчињата. Експертите сè уште не ги знаат точните причини за ова.

„Веројатноста за појава е три пати поголема кај момчињата отколку кај девојчињата“

Децата со АДХД делуваат без размислување, вообичаено се хиперактивни и се соочуваат со проблем со концентрацијата и фокусирањето. Тие вообичаено разбираат што е она што се очекува или бара од нив, но имаат проблеми со однесувањето бидејќи не можат да седат мирни, да обрнат внимание или да се фокусираат на детали.

Речиси сите деца, особено оние на помала возраст, понекогаш се однесуваат на овој начин, особено кога се нервозни или возбудени, но разликата кај децата со АДХД е она што симптомите се присутни во текот на подолг временски период и во различни околности и ситуации. Ова нарушување во однесувањето може да ја предизвика детето да не може да функционира нормално на социјално и едукативно поле, како и со кругот на семејството.

Совети како да му помогнете на вашето дете

1. Создадете рутина

Обидете се да создадете план за целиот ден на вашето дете, од будењето до легнувањето. Поставете го календарот на видно место за вашето дете да може да го следи постојано и да има предвид кога е време за извршување на домашните задачи, за играње и сл.

2. Избегнувајте предмети што го одвлекуваат вниманието

Организираноста е многу важна за децата што се соочуваат со АДХД. Оттука, секој предмет што би можел да го одземе неговото внимание за време на важните обврски треба да биде тргнат од неговото видно поле. Изгасете ги телевизорот, радиото и компјутерот, особено кога вашето дете треба да учи или пишува.

Прочитајте:  Фрази кои што мора да им ги повторуваме на своите деца

3. Помогнете му да го пронајде својот талент

Кога децата се фокусирани на нешто што ги интересира се многу помотивирани и многу подобро функционираат. Охрабрете го вашето дете да го пронајде она што го интересира, без разлика дали станува збор за некој спорт, свирење на музички инструмент или сл. со цел да му помогнете да ги стимулира социјалните вештини и да ја зголеми својата самодоверба.

Лекување на АДХД

„АДХД е нарушување во однесувањето коешто не може да се излечи, но може да се третира“

АДХД е нарушување во однесувањето коешто не може да се излечи, но, сепак, може успешно да се третира. Докторите и родителите вообичаено треба заедно да работат на третманот на детето со АДХД со што ќе развијат индивидуализиран долгорочен план. Целта е да се помогне на детето да научи како да го контролира неговото однесување, како и да се помогне на родителите да создадат атмосфера во која ова детето ќе се чувствува удобно и среќно.

Во повеќето случаи, АДХД е најдобро да се третира со комбинација на лекови и терапија за однесувањето. Секој добар план за лекување на нарушувањето би требало да вклучува постојан надзор и следење на однесувањето на детето за докторот да може да се прави промени доколку забележи подобрување или влошување на ситуацијата. Оттука, многу е важно за родителите да земат активно учество во третманите, како и да се едуцираат на предметот управување со АДХД.


Споделете со пријателите!