idni-lekari-uchat-preku-video-igri_image
Споделете со пријателите!

Видео игрите можат да играат голема улога во медицинското образование, нудејќи нови методи за обука на идните лекари
Според еден извештај објавен од страна на Американската медицинска асоцијација, студентите по медицина може да имаат многу придобивки од онлајн игрите, затоа што преку нив тие соработуваат, односно ги разменуваат нивните знаења и вештини со врсниците, но и професорите во погодна средина за учење. Симулациските игри им нудат можности на студентите да спроведат анализа на ризикот и користа од конкретните потези додека играат, како и да ги следат индивидуалните планови на учење. Игрите можат да бидат искористени за имитирање на секој вид на средина и можат да им овозможат на студентите да постигнат индивидуални цели, но и да го проверат нивното знаење. Сите знаеме дека најдобро се учи од сопствените грешки. Ваквите видео игри, на студентите им даваат можност да учат од своите грешки без да загрозуваат нечиј живот и здравје и им даваат поголема слобода да експериментираат со своите стекнати знаења.

idni-lekari-uchat-preku-video-igri_image1Три видео игри веќе им помагаат на студентите да ги усовршат нивните медицински вештини. Играта Prognosisобезбедува клинички случаи со сликовно претставување на симулирани прегледи за пациенти, тестирање на студентските вештини за донесување одлуки и клинички знаења. Играта Medical School е дизајнирана за студентите по медицина и им овозможува да поминат низ виртуелно медицинско училиште, да ги третираат пациентите во клинички поставувања на дијагнози и дури и да закажуваат испити. Microbe Invader им нуди на студентите да ги дијагностицираат пациентите со нарачување на лабораториски тестови. Тука тие можат да ги проучуваат симптомите на пациентите и нивната болничка историја во виртуелната болница.

Прочитајте:  Имунотерапија: Нова РНА вакцина против рак

„Видео игрите нудат конкурентни средини и студентите по медицина и лекарите сме тип А. Ние сакаме да победуваме. Ние сакаме да бидеме навистина добри, да учиме и да стануваме сè подобри во тоа“ – вели д-р Сураја Раман од Универзитетот во Јужна Калифорнија.


Споделете со пријателите!