Како од човек кој се бори со зависности стана синоним за суперхерој
Роберт Дауни Џуниор со децении е на холивудската сцена. Се прослави со неговата интерпретација на Чарли Чаплин, но потоа неговата актерска кариера затаи заради неговата борба со зависностите. Сево ова се смени во 2008 година, кога со Iron Man тој стана еден од најбараните актери во Холивуд. Исто така, после овој филм тој стан и синоним за суперхерој (и актер) со силно мускулесто тело. Оваа трансформација не беше ни брза ни лесна. Неговите резултати се навистина импресивни земајќи ја во обзир неговата историја со зависности како и неговата возраст.
Дауни морал значително да ја зголеми мускулната маса што значи дека многу повеќе подигал тежина, отколку што практикувал кардио или јога. Инаку, години наназад, Дауни е многу посветен на јогата, за којашто вели дека го избавила од зависностите. За потребите на Iron Man тој ја зголемил мускулната маса за дури 11 килограми. Еве како го направил тоа:
Тој се придржувал кон строго контролирана исхрана од 3 500 калории и јадел осум пати дневно. Главните јадења се состоеле од бифтек, мешунки, брокула и (обезмастено) чоколадно млеко за протеини.
Неговиот тренинг кој се одвивал пет пати неделно, бил типично напорен тежински тренинг исполнет со многу подигања на голема тежина од клупа и секакви видови на склекови. Доколку сакате детално да го дознаете видот на вежбите, отворете овде.
Роберт Дауни Џуниор на шега вели дека поминал многу часови напорен тренинг за неколку секунди снимање, но тој напор дефинитивно му се исплатеше и на лично и на професионално поле, бидејќи тој сè почесто добива главни улоги во акциони филмски хитови.
